Christene

in Wikipedia, die vrye ensiklopedie
Spring na: navigasie, soek
Die kruis en die Ichthus (vis), twee simbole, wat Christene gebruik om hul geloof te verteenwoordig.

Christene glo in die drie-enige God - Vader, Seun en Heilige Gees - Skepper van die hemel en die aarde en die Onderhouer van alle dinge. Hulle glo dat Jesus Christus, die Seun, sowat 2000 jaar gelede aan die kruis gesterf het om die sondige mens van sy sondes te verlos, opgestaan het uit die dood, opgevaar het na die hemel en op 'n dag sal terugkeer om die mensheid te oordeel.

Christene beskou die Bybel as die onfeilbare Woord van God. Hulle glo voorts in verlossing deur genade, met antwoorde dat 'n mens nooit die ewige lewe op grond van goeie werke deelagtig kan word nie, maar suiwer deur God se genadige redding (jou "wedergeboorte").

Wedergebore Christene verklaar met 'n absolute sekerheid dat hulle geredde kinders van God is wat tot in alle ewigheid deel sal hê in Sy koninkryk - en in dié opsig verskil die Christendom radikaal van ander godsdienste.

In Suid-Afrika, soos wêreldwyd, is die Christendom egter in talle kerkgenootskappe en sektes versplinter. Dikwels is die skismas (kerkskeuringe) die gevolg van verskillende interpretasies van minder kardinale sienings wat tog nie die hoofboodskap van die Christendom aantas nie.

Die woord "Christen" kan manlik of onsydig wees en "Christin" verwys na 'n vroulike persoon.

Bevolkingstatistiek[wysig]

Vanaf die vroeë 21ste eeu het die Christendom ongeveer 2,2 miljard medegelowiges.[1][2][3] Dit sluit sowat ’n kwart of ’n derde van die wêreldbevolking in en is die grootste godsdiens ter wêreld, met sowat 38 000 Christelike denominasies. [4] Christene het vir die afgelope 100 jaar omtrent 33% van die wêreldbevolking uitgemaak. Die grootste Christelike denominasie is die Rooms-Katolieke kerk, met 1,166 miljard medegelowiges, wat die helfte van die Christendom beslaan.[5]

Christene oor die wêreld.
Bekende Christene.
Twintig lande met die meeste Christene
Land Christene  % Christene
Vlag van Verenigde State Verenigde State 176 400 000 78,4%
Vlag van Brasilië Brasilië 174 700 000 90,4%
Vlag van Meksiko Meksiko 105 095 000 94,5%
Vlag van Rusland Rusland 99 775 000 70,3%
Vlag van Filippyne Filippyne 90 530 000 92,4%
Vlag van Nigerië Nigerië 76 281 000 48,2%
Vlag van Demokratiese Republiek van die Kongo Demokratiese Republiek van die Kongo 68 558 000 95,6%
Vlag van Volksrepubliek van Sjina Sjina 66 959 000 5,0%
Vlag van Italië Italië 55 070 000 91,1%
Vlag van Ethiopië Ethiopië 54 978 000 64,5%
Vlag van Duitsland Duitsland 49 400 000 59,9%
Vlag van Colombia Colombia 44 502 000 97,6%
Vlag van Oekraïne Oekraïne 41 973 000 91,5%
Vlag van Suid-Afrika Suid-Afrika 39 843 000 79,7%
Vlag van Argentinië Argentinië 37 561 000 92,7%
Vlag van Pole Pole 36 526 000 95,7%
Vlag van Spanje Spanje 35 568 000 77,2%
Vlag van Frankryk Frankryk 35 014 000 53,5%
Vlag van Kenia Kenia 34 774 000 85,1%
Vlag van Uganda Uganda 29 943 000 88,6%

Verwysings[wysig]

Commons-logo.svg
Wikimedia Commons het meer media verwant aan:
Christene (kategorie)
  1. 33.2% of 6.7 billion world population (under "People") World”. CIA world facts.
  2. The List: The World's Fastest-Growing Religions”. foreignpolicy.com: 2007-03. URL besoek op 2010-01-04.
  3. Major Religions Ranked by Size”. Adherents.com. URL besoek op 2009-05-05.
  4. Hinnells, The Routledge Companion to the Study of Religion, p. 441.
  5. http://www.catholicnewsagency.com/news/universal_church_sees_increase_in_seminarians_reports_pontifical_yearbook/