Mariaboodskap

in Wikipedia, die vrye ensiklopedie
Jump to navigation Jump to search
Hierdie artikel handel oor die verkondiging dat Maria die moeder van Jesus sal word. Moenie verwar word met Maria Onbevlekte Ontvangenis deur haar ouers nie.
Die Verkondiging (1472–1475), skildery deur Leonardo da Vinci (1452–1519)
Die Verkondiging (1655–1660), skildery deur Murillo (1617–1682), Hermitage, Sint Petersburg

Die fees Mariaboodskap of Verkondiging van die Here (Latyn: Annuntiatio Domini), ook Annunsiasie (afgelei van die Latynse naam), is die Rooms-Katolieke en Oosters-Ortodokse herdenking van die verkondiging deur die aartsengel Gabriël aan die Maagd Maria, dat sy swanger en die moeder van Jesus (volgens Christene die Joodse Messias en Seun van God) sal word, wat Jesus se menswording makeer. Gabriël het vir Maria opdrag gegee om haar seun Josua, letterlik "JHWH is verlossing", te noem.

Volgens die Evangelie volgens Lukas 1,26 het die aankondiging "in die sesde maand" van Elizabet se swangerskap met Johannes die Doper plaasgevind.[1] Baie Christene herdenk hierdie gebeurtenis met die Fees van die Verkondiging op 25 Maart, nege maande voor Kersfees, 'n benadering aan die noordelike Dag-en-nag-ewening in lente, nege volle maande voor Kersfees, die seremoniële geboortedag van Jesus. Saam met Mariaboodskap het Pous Sergius I die Mariafeeste Mariageboorte, Marialigmis en Mariahemelvaart ingestel.

Die Aankondiging is 'n belangrike onderwerp in die Christelike kuns, maar ook in die Mariaanse kuns van die Rooms-Katolieke Kerk, veral van die Middeleeue en Renaissance. 'n Kunswerk wat die Aankondiging uitbeeld, word soms self Aankondiging genoem. Tientalle kerke is aan die leerstelling van Mariaboodskap gewy.

In die Koran[wysig | wysig bron]

Die Verkondiging word ook in die Koran beskryf, in Soera 3,44:[2]

44 Toe die engele gesê het: O Maria! Waarlik, Allah stuur u ’n blye tyding met ’n woord van Hom oor een wie se naam die Messias sal wees, Jesus, die Seun van Maria, geëerd in hierdie wêreld en in die Hiernamaals, en hy sal onder húlle wees wat in Allah se nabyheid sal vertoef.

Soera 19,17 verwys ook na die Verkondiging.[3]

Verwysings[wysig | wysig bron]

  1. (af) "Lukas 1,26". Bybel: Evangelie volgens Lukas. Bybelgenootskap van Suid-Afrika. Besoek op 25 Augustus 2019. In die sesde maand van Elisabet se swangerskap het God die engel Gabriël gestuur na 'n maagd in Nasaret, 'n dorp in Galilea.
  2. (af) "Afrikaanse Koran" (PDF). Koran, Soera 3,44. The Islamic Dawah Movement of Southern Africa (IDM). Besoek op 25 Augustus 2019. Toe die engele gesê het: O Maria! Waarlik, Allah stuur u ’n blye tyding met ’n woord van Hom oor een wie se naam die Messias sal wees, Jesus, die Seun van Maria, geëerd in hierdie wêreld en in die Hiernamaals, en hy sal onder húlle wees wat in Allah se nabyheid sal vertoef.
  3. (af) "Afrikaanse Koran" (PDF). Koran, Soera 19,17. The Islamic Dawah Movement of Southern Africa (IDM). Besoek op 25 Augustus 2019. en sy het haar van hulle afgesluier. Toe het Ons Ons gees tot haar gestuur en hy het aan haar verskyn in die gestalte van ’n volmaakte man.

Eksterne skakels[wysig | wysig bron]