Takbir

in Wikipedia, die vrye ensiklopedie
Jump to navigation Jump to search
Die Takbir "Allahoe Akbar" geskryf in die Arabiese alfabet saam met die Engelse vertaling
Die Takbir "Allahoe Akbar" geskryf in die Koefiese skrif van die Koran
'n Moslem lig beide hande om die Takbir tydens die salaahgebed te resiteer

Die term Takbir (Arabies: تَكْبِير, [tækˈbiːr]) verwys na die Arabiese frase Allahoe Akbar (الله أكبر) wat algemeen as "God is Groot" vertaal word.[1][2] Dit is 'n algemene Arabiese uitdrukking in Islam en word deur Moslems in verskeie samehange gebruik; tydens elke dag se vyf gebede (salaah), die roep tot gebed (adhān),[3] as 'n informele uitdrukking van gelowigheid, in tye van nood of vreugde, of om vasberadenheid of verset uit te druk.

Die vorm Allāhu is die nominatief van Allah en verwys na God. In die Islamitiese konteks is dit die eienaam van die Abrahamitiese God.[4][5] Die vorm akbar is die elatief van die adjektief kabīr, wat "groot" beteken, afgelei van die Semitiese wortel k-b-r. In die konteks van Takbīr word dit dikwels as "grootste" vertaal, maar ander skrywers verkies "groter".[6][7][8] Die frase word dikwels minder akkuraat as Allah akbar vertaal. Die term Takbīr op sy eie is die stem II verbale naamwoord (tafʿīlun) van die Semitiese wortel k-b-r, wat "groot" beteken, waarvan akbar ("groter") afgelei is.

In die nie-Islamitiese wêreld, waarvan veral Westeerse lande, is die frase veral weens sy algemene gebruik tydens Islamistiese phrase optogte, en as 'n oorlogskreet in Islamitiese ekstremisme en Islamitiese terrorisme bekend.[9][10][11]

Gebed[wysig | wysig bron]

Tydens die roep tot gebed (Adhān) deur die muezzin volg op die viermalige Takbirresitasie die twee dele van die Sjahada, voorafgegaan deur (wa) ašhadu ʾan أشهد أن "Ek getuig, dat...", twee keer elk.

Tydens die fees Eid-oel-Adha en die dae wat dit voorafgaan resiteer Moslems die Takbir. Dit is veral op die Dag van Arafah die geval.[12]

Vlae met die Takbir op[wysig | wysig bron]

Die Takbir word op die vlae van die drie Islamitiese lande Afghanistan (saam met die Sjahada), Irak (sentraal in die wit baan) en Iran (22 keer bo en onder die wit baan) vertoon.

Verwysings[wysig | wysig bron]

  1. (en) "The Times of the Five Daily Prayers". Besoek op 23 Augustus 2015. 
  2. (en) "Allahu Akbar". Besoek op 9 Junie 2013. 
  3. (en) Nigosian, S. A. (2004). Islam: Its History, Teaching, and Practices. Indiana: Indiana University Press. p. 102. ISBN 0-253-21627-3. 
  4. (en) Böwering, Gerhard, God and His Attributes, Encyclopaedia of the Qurʼān, Brill, 2007.
  5. (en) Macdonald, D. B. The Encyclopaedia of Islam, 2de uitgawe. Brill, 1971. Volume 3, H-Iram, bl. 1093, Ilah.
  6. (en) E. W. Lane, Arabic English Lexicon, 1893. (bl. 2587) Geargiveer 7 Oktober 2016 op Wayback Machine.
  7. (en) A.O.Green (1887). A Practical Arabic Grammar. Clarendon Press. p. 66. 
  8. (en) Wensinck, A. J. The Encyclopaedia of Islam, 2de uitgawe. Brill, 2000. Volume 10, T-U, bl. 119, Takbir.
  9. (en) "Symbolism in Terrorism". google.com. 
  10. (en) "Obama, the Media, and Framing the U.S. Exit from Iraq and Afghanistan". google.com. 
  11. (en) "Islam in Russia". google.com. 
  12. (en) Rabbani, Faraz. "The Day of `Arafah: The 9th of Dhu'l Hijjah". Qibla.com. Geargiveer vanaf die oorspronklike op 15 Oktober 2013. Besoek op 4 September 2013. 

Verdere leesstof[wysig | wysig bron]

  • (en) The Encyclopaedia of Islam. New Edition. Leiden, Brill. Band 10, bl. 119.

Eksterne skakels[wysig | wysig bron]