Tunguska-M1

in Wikipedia, die vrye ensiklopedie
2K22 Tunguska-M1
NAVO-naam: SA-19 Grison

2K22 "Tunguska-M1" kanon/missiellugafweerstelsel.
Tipe Self-aagedrewe lugafweerstelsel
Oorsprong Vlag van Sowjetunie Sowjetunie
Vlag van Rusland Rusland
Diensgeskiedenis
In gebruik 1982–huidig
Gebruik deur Rusland
Sowjetunie
Oekraïne
Belarus (Witrusland)
Indië
Armenië
Marokko
Oorloë Suid-Ossetië-oorlog in 2008
Oorlog in Donbass
Produksiegeskiedenis
Ontwerper KBP Instrumentontwerpburo
Ontwerp 1970–1980
Vervaardiger Ulyanovsk Meganiese Fabriek
Koste per eenheid VS$16 miljoen [1]
Vervaardig 1976–huidig
Variante 2K22 (Tunguska), 2K22M (Tunguska-M), 2K22M1 (Tunguska-M1)
Spesifikasie (Tunguska-M1)
Massa 35 000 kg
Lengte 7,93 m
Wydte 3,24 m
Hoogte 4,01 m (of 3,36 m met radar geberg)
Bemanning 4 (bevelvoerder, radarbediener, kanonier en drywer)

Pantser
beskerm die voertuig teen 7.62 mm kleingeweervuur en skrapnel/splinters
Primêre
bewapening
8 × 9M311, 9M311K, 9M311-1, 9M311M, 9M311-M1 of 57E6 missiele
Sekondêre
bewapening
2 × 30 mm 2A38M kanonne (1,904 rondtes gedra)
Enjin V-46-6-MS 780 pk sentrifugale turboaangejaagde V-12 direkte brandstofinspuiting waterverkoelde 4-slag diesel[2]
Enjinlewering 840 pk maksimum
Transmissie hidromeganies
Suspensie hidropneumaties
Grondvryhoogte 17–57 cm
Operasionele
bereik
500 km
Snelheid 65 km/h maksimumpadspoed
Die "Toengoeska" lugverdedigingstelsel. Foto uit Field Artillery Magazine.

Die 2K22M Tunguska-M1 (Russies: 2K22 "Тунгуска" - vernoem na die Toengoeskarivier) is 'n Russiesvervaardigde, alles-in-een grond-tot-lugmissiel/artilleriestelsel wat deur rusperbande aangedryf word. Dit het ten doel om vliegtuie, helikopters, en bomme neer te skiet ongeag die weersomstandighede, dag of nag. Die stelsel word hoofsaaklik gebruik om infanterievoertuie en konvooie te beskerm. Die stelsel word uitgeken aan sy GRAOE-kode 2K22M, maar die vervoermiddel self is 'n 2S6M.

Die Tunguska-stelsel bestaan uit 'n 30 mm-dubbellooplugafweerkanon plus 4 of 8 kortafstandmissiele. Die NAVO-gelyke is die Duitse Gepard lugafweerartillerie met die verskil dat die Gepard nie met enige missiele toegerus is nie.

'n Enkele Tunguska-stelsel kos ongeveer VS$16 miljoen.

Ontwikkeling[wysig | wysig bron]

Die stelsel is sedert 1970 ontwikkel met die doel om die ZSU-23-4 te vervang. Die eerste Tunguska's was eers met 4 missiele toegerus maar dit is later uitgebrei tot 8 missiele.

Die Tunguska is ontwikkel om byvoorbeeld helikopterverassingsaanvalle, soos wanneer 'n Rooivalk agter 'n koppie verskuil is en plotseling 'n missiel afvuur, oombliklik teen te staan.

In 1982 is die Tunguska-stelsel operasioneel gereed verklaar maar eers in 1986 operasioneel ontplooi.

Beskrywing[wysig | wysig bron]

Die voertuigonderstel word ook gebruik deur die Buk-1M (NAVO: SA-11 Gadfly) en Tor-M1 (NAVO: SA-15). 'n Tunguska word deur 'n bevelvoerder, radarbediener, kanonier en drywer beman.

Agter op die geskutskoepel is 'n J-band 1RL144M volgradar (NAVO: Hot Shot) met 'n ontvangssterkte van 18 km. Dit kan selfs teikens identifiseer wat op 'n hoogte van 15 m vlieg. Die radar is toegerus met 'n C/D-band IVV met die GRAOE-kode 1RL138.

Die stelsel kan bewegend skiet maar om die missiele te lanseer moet die stelsel staties wees. Die stelsel kan volledig outomaties teikens aanval, semi-outomaties met die radar wat inligting beskikbaar stel aan die kanonier, of deur 'n optiese metode, waar die radar die afstandsinligting voorsien.

Die 9M311 (NAVO: SA-19/SA-N-11) missiele van die stelsel is dieselfde as dié van die Kashtan nabyverdedigingstelsel, dit word opties gelanseer maar radar beheer die missiele verder.

In gebruik deur[wysig | wysig bron]

Kenmerke[wysig | wysig bron]

  • Gevaargebied
    • Missiel: 2.4 tot 8.0 km (10 km met 'n 9M311-1M missiel)
    • Kanon: 0.2 tot 4.0 km
  • Gevaargebied op hoogtes
    • Missiel: 150 tot 3500 m
    • Kanon: 0 to 4000 m
  • Gewaarwording- en reaksietyd: 8 sekondes
  • Maksimumteikenspoed: 500 m/s
  • Kanonammunisie: 2 x 2 x 30 mm 2A38M (1904 rondes)
    • Skietsnelheid: 4,800 rpm
    • Beweeglikheid: +87 tot -10 grade
  • Missiele: 8 x 9M311 grond-tot-lugmissiel (Geleidingstelsel semi-outomaties, radargestuur, met optiese sigveld).

Inligtingswebwerwe[wysig | wysig bron]

Naslaanwerk[wysig | wysig bron]

Verwysings[wysig | wysig bron]

  1. "ЗTunguska-M" (in Engels). Deagel.com. Geargiveer vanaf die oorspronklike op 10 Desember 2016. Besoek op 1 Augustus 2010.
  2. "Diesel engine B-46-6 MC – Chelyabinsk tractor plant (ChTZ)" (in Engels). Geargiveer vanaf die oorspronklike op 6 Maart 2019. Besoek op 23 Julie 2015.