Vladimir Tretchikoff

in Wikipedia, die vrye ensiklopedie
Jump to navigation Jump to search
Vladimir Tretchikoff
Geboortenaam Vladimir Grigoryevich Tretchikoff
Gebore (1913-12-13)13 Desember 1913
Petropavl, Rusland, nou Kasakstan
Sterf 26 Augustus 2006 (op 92)
Kaapstad
Nasionaliteit Suid-Afrika
Veld Skilder
Werke Sjinese Girl, The Dying Swan, Miss Wong, Lady from Orient, Lost Orchid, Weeping Rose, Balinese Girl
'n Kunswerk wat deur Tretchikoff se Sjinese Meisie geïnspireer is

Vladimir Tretchikoff (13 Desember 191326 Augustus 2006) was 'n bekende Suid-Afrikaanse kunstenaar wat in Rusland gebore is. Die verkope van sy kunswerke en reproduksies daarvan is trouens die beste ter wêreld.

Hy het al talle geslaagde uitstallings in Suid-Afrika, die VSA, Kanada en Brittanje aangebied. Tretchikoff is in 1913 in Siberië gebore. Met die uitbreek van die Russiese Revolusie (1917) het hy saam met sy ouers na China gevlug, maar hulle is dood toe hy 7 jaar oud was.

Hy het reeds op 'n vroeë ouderdom talent getoon en maak daarop aanspraak dat hy op 11-jarige ouderdom 'n professionele kunstenaar was. Met die uitbreek van die Tweede Wêreldoorlog is hy in Maleisië deur die Britse regering as spotprent- en propagandakunstenaar in diens geneem. Net voor die val van Singapoer het hy sy vrou en kind op 'n skip gesit, menende dat dit na Australië op pad was.

Hy self was op 'n skip wat deur die Japanners gekelder is. Na 23 dae op 'n reddingsbootjie het hy in Java aangekom, waar hy gevange geneem is. Hy is egter na 'n paar maande weer vrygelaat, het verneem dat sy vrou inderdaad in Suid-Afrika was en het haar hierheen gevolg en hom hier gevestig.

Met sy eerste uitstalling in Suid-Afrika in die vyftigerjare, was hy reeds in ander dele van die wêreld bekend. In 1952 voltooi hy die prent Chinese Meisie, die model was Monika Pon-su-san. Die prent word 'n internasionale sukses.

Bronne[wysig | wysig bron]