Vlag van Bolivië

in Wikipedia, die vrye ensiklopedie
Jump to navigation Jump to search
Vlag van Bolivië
Vlag van  Bolivië
Bynaam (es) La Tricolor
(af) Die Driekleur
Gebruik Burgerlike vlag en vaandel Burgerlike vlag en vaandel Alternatiewe weergawe van vlag
Verhouding 15:22
Goedgekeur 31 Oktober 1851
Ontwerp Drie horisontale bane van bo na onder in rooi, geel en groen.
Wisselvormvlag van  Bolivië
Gebruik Staatsvlag en vaandel en Oorlogsvlag Staatsvlag en -vaandel en oorlogsvlag
Verhouding 15:22
Goedgekeur 31 Oktober 1851
Ontwerp Drie horisontale bane van bo na onder in rooi, geel en groen met die wapenskild van Bolivië in die middel van die geel baan.
Wisselvormvlag van  Bolivië
Gebruik Burgerlike- en Staatsvlag Burgerlike en staatsvlag Alternatiewe weergawe van vlag
Verhouding 1:1
Goedgekeur 7 Februarie 2009
Ontwerp Lapwerk van 7-by-7 wat diagonaal in wit, geel, oranje, rooi, pers blou en groen gerangskik is.

Die nasionale vlag van Bolivië is op 31 Oktober 1851 amptelik in gebruik geneem. Die vlag vertoon drie horisontale bane van bo na onder in rooi, geel en groen. In 2009 is die Wiphala, ’n lapwerk van 7-by-7 wat diagonaal in wit, geel, oranje, rooi, pers blou en groen gerangskik is, ook as amptelike vlag van Bolivië aanvaar.

Ontwerp[wysig | wysig bron]

Ontwerp en afmetings[wysig | wysig bron]

Die nasionale vlag van Bolivië word beskryf as ’n reghoekige horisontale driekleur, met die kleure rooi, geel en groen in die verhouding 1:1:1.[1]

Die afmetings van die vlag is sedert die aanvaarding in 1851 nie gedefinieer nie. Die Opperste Dekreet Nº 27630 van 2004 het uiteindelik vasgestel dat die grootte van die vlag 7,5 vierkante by 11 vierkante moet wees. Die vierkant kan enige grootte wees maar die verhouding moet altyd 15:22 wees.

Kleur en simboliek[wysig | wysig bron]

Die eerste beskrywing van Bolivië se nasionale vlag, saam met die betekenis van die kleure is eers vasgestel deur die Opperste Dekreet van 1888 gedurende die regering van president Gregorio Pacheco.

  • ██ Rooi: verteenwoordig die bloedvergieting van die helde vir die geboorte en behoud van die Republiek.
  • ██ Geel: verteenwoordig die rykdom en hulpbronne.
  • ██ Groen: verteenwoordig die rykdom van die natuur en die beginsel van die hoop van die gemeenskap.

Die presiese kleure van die Boliviaanse vlag is vasgestel in die Opperste Dekreet van 2004:[2]

Kleurskema Rooi Geel Groen
Pantone 485 116 356
RGB-kleursisteem 213-43-30 252-209-22 0-121-52
CMYK C0-M80-Y86-K16 C0-M17-Y91-K0 C100-M0-Y57-K53
Heksadesimaal D52B1E FCD116 007934

Die kleure van die driekleur kan ook in die Wiphala gevind word. Die Wiphala is ook ingesluit in die nasionale kleure van die Boliviaanse Lugmag soos op die Dassault Falcon 900EX.[3] Die Wiphala word ook amptelik vertoon by regeringsgeboue soos die Palacio Quemado en die parlement naas die driekleur sedert die bekendstelling van die grondwet van 2009.[4]

Ander vlae[wysig | wysig bron]

Voorstel vir nuwe vlag[wysig | wysig bron]

Ontwerp is voorgestel in die verlede maar nooit amptelik aanvaar nie Morales se voorstel

President Evo Morales wou die posisie van die inheemse bevolking van Bolivia verbeter[5] en wou daarmee saam ook hul simbole meer prominent maak in die land. Met dit in gedagte het Morales ’n voorstel ingedien vir ’n nuwe vlag vir Bolivia.

Morales se ontwerp het ’n deel van die Wiphala aan die vlagpaalkant van die vlag gehad met die driekleur aan die wapperkant.[6] Die kleure van die Wiphala het die volgende voorgestel: geel het energie voorgestel, oranje het die gemeenskap en kultuur voorgestel, rooi het die aarde en die mense uit die Andes voorgestel, pers het die bestuur van die Andes en selfbeskikking voorgestel, blou het die lug voorgestel, groen het die natuurlike hulpbronne voorgestel en wit het die tyd voorgestel.

Morales se voorstel het nie geslaag nie maar sedert die aanvaarding van die nuwe grondwet is die Wiphala gelykgestel met die nasionale vlag.

Soortgelyke vlae[wysig | wysig bron]

Eksterne skakels[wysig | wysig bron]

  • (en) Bolivia by Flags of the World.

Verwysings[wysig | wysig bron]

  1. (es) "Vlag van Bolivië". Bolivia.com. Besoek op 18 Januarie 2013. 
  2. (es) "Boliviaanse Vlag". Lexivox. Besoek op 18 Januarie 2013. 
  3. (en) "Foto van die Dassault Falcon 900EX". airliners.net. Besoek op 18 Januarie 2013. 
  4. (es) Rojas, Germán (28 Januarie 2010). "Per dekreet, stel die uitvoerende gesag twee datums vir die land se stigting". eju!. Besoek op 18 Januarie 2013. 
  5. (en) Morales, Evo (17 Februarie 2006). "Die tyd om Bolivia waarlik te verander het aangebreek". Zmag. Besoek op 29 November 2006. 
  6. (es) "Evo Morales wil die vlag van Bolivia verander". Infobae. 8 Oktober 2006. Besoek op 29 November 2006. 


Hierdie artikel is in sy geheel of gedeeltelik vanuit die Engelse Wikipedia vertaal.