Zoeloe-koninkryk
| ||||
 | ||||
| Hoofstad | kwaBulawayo; uMgungundlovu; Ulundi 20°10′S 28°34′E / 20.167°S 28.567°O | |||
| Taal/Tale | Zoeloe | |||
| Regering | Monargie | |||
| Koning | ||||
| - 1816–1828 | Shaka | |||
| - 1828–1840 | Dingaan | |||
| - 1840–1856 | Mpande kaSenzangakhona | |||
| - 1856–1884 | Cetshwayo | |||
| - 1884–1887 | Dinuzulu | |||
| Geskiedenis | ||||
| - Toetreding van Shaka | 1816 | |||
| - Afsterwe van Dingiswayo | 1818 | |||
| - Slag van Gqokli Hill | 1818 | |||
| - Slag van Mhlatuzerivier | 1820 | |||
| - Anglo-Zoeloe-oorlog | 1879 | |||
| - Britse anneksie tot Natalkolonie | 1897 | |||
| Oppervlakte | ||||
| - 1828 | 250 000 km2 96 526 sq mi | |||
| Bevolking | ||||
| - 1828 skatting | 29 785 | |||
| Digtheid | 0,1 /km² 0,3 /sq mi | |||
| Geldeenheid | Bees | |||
.svg){kind=small}
Die Zoeloe-koninkryk (Zoeloe: Wene wa Zulu) was 'n koninkryk van die Zoeloes wat tussen 1816 en 1897 in die noorde van die huidige Suid-Afrikaanse provinsie KwaZulu-Natal bestaan het.
Die koninkryk was deur die Tugelarivier in die suide en die Pongolarivier in die noorde begrens, in die weste was die Oranje-Vrystaat en in die ooste die Indiese Oseaan geleë.
Die koninkryk het omstreeks 1820 uit die Mthethwa-Konfederasie met die vereniging van die Zoeloestamme onder Shaka ontstaan. Nadat hulle in die Anglo-Zoeloe-oorlog van 1879 verslaan is, is die onafhanklikheid van die koninkryk beëindig.
In November 1884 het die Duitse reisiger August Einwald ten behoewe van die handelaar Adolf Lüderitz met koning Dinuzulu 'n verdrag gesluit, waarin die Duitse Keiserryk 'n territoriale aanspraak aan die St. Lucia-baai gekry het.[1] Ná 'n vergoeding met die Britte is die Duitse aanspraak in Mei 1885 gekanselleer, nadat die Britte na 'n kontrak wat in 1843 met koning Phunga kaGumede gesluit is, verwys het.[2]
In 1887 het die koninkryk 'n Britse protektoraat geword en in 1897 is die gebied as die Natalkolonie geannekseer. Die Zoeloe-monargie bestaan tot op hede, maar dit is nie meer 'n entiteit nie.
Konings
[wysig | wysig bron]- Shaka kaSenzangakhona, seun van Senzangakhona en halfbroer van Siguyana, koning van 1816 tot 1828
- Dingane kaSenzangakhona, seun van Senzangakhona en halfbroer van Shaka, koning van 1828 tot 1840
- Mpande kaSenzangakhona, seun van Senzangakhona en halfbroer van Shaka en Dingaan, koning van 1840 tot 1872
- Cetshwayo kaMpande, seun van Mpande, koning van 1872 tot 1884
- Dinuzulu kaCetshwayo, seun van Cetshwayo kaMpande, koning van 1884 tot 1913, tydelik verban
- Solomon kaDinuzulu (1891–1933), seun van Dinuzulu kaCetshwayo, koning van 1913 tot 1933
- Cyprian Bhekuzulu kaSolomon (4 Augustus 1924 tot 17 September 1968), seun van Solomon kaDinuzulu, koning van 1933 tot 1968
- Goodwill Zwelithini kaBhekuzulu, seun van Cyprian Bhekuzulu kaSolomon, koning van 1968 tot 2021
- Misuzulu Zulu, seun van Goodwill Zwelithini kaBhekuzulu, sedert 2021
Verwysings
[wysig | wysig bron]- ↑ (de) W. Schüßler: Kolonialgeschichte Geargiveer 2 Desember 2011 op Wayback Machine, in: Jahresberichte für deutsche Geschichte. Hrsg. v. Albert Brackmann u. Fritz Hartung. Leipzig: Koehler. 13. Jg. 1937–1939. Bd. XXI, S. 700f.; verfügbar gemacht durch die Berlin-Brandenburgische Akademie der Wissenschaften
- ↑ (de) Santa Lucīa, in: Meyers Großes Konversations-Lexikon. Band 17, Leipzig 1909, bl. 587
Bronnelys
[wysig | wysig bron]- (en) Bryant, Alfred T. (1964). A History of the Zulu and Neighbouring Tribes. Cape Town: C. Struik. p. 157.
- (en) Morris, Donald R. (1965). The Washing of the Spears: the Rise of the Zulu Nation. New York: Simon and Schuster. p. 655.
Eksterne skakels
[wysig | wysig bron]
Wikimedia Commons het meer media in die kategorie Zoeloe-koninkryk.
