Blues (Superrugbyspan)

in Wikipedia, die vrye ensiklopedie
Spring na: navigasie, soek
Vir Blues, die musiekstyl, sien Blues.
Blues
Auckland Blues rugby team logo.png
Stigting 1996 (Super 10 begin)
Ligging Auckland, Nieu-Seeland
Streek Auckland, North Shore City, Northland
Stadion Edenpark
Kapasiteit 47,500 [1]
Afrigter(s) John Kirwan
Kaptein(s) Luke Braid
Liga(s) Superrugby
2013 10de
Tuiskleure


Weg kleure

Statistiek
Eerste wedstryd
Wellington Hurricanes 28 – 36 Auckland Blues
(1 Maart 1996)
Grootste oorwinning
Hurricanes 7 – 70 Blues
(22 Februarie 2002)
Grootste nederlaag
Crusaders 59 – 12 Blues
(19 Mei 2012)
Amptelike webwerf
www.theblues.co.nz

Die Blues (voorheen bekend as die Auckland Blues) is ’n Nieu-Seelandse rugbyspan wat as ’n konsessie aan die Superrugbykompetisie deelneem sedert 1996. Die konsessie sluit Auckland Provinsie en Northland in. In terme van die ITM-beker kom spelers van Northland, North Harbour en Auckland af. Hul tuiswedstryde word gespeel op Edenpark in Auckland.

Geskiedenis[wysig]

Toe die Nieu-Seelandse Rugbyvoetbalunie (NZRVU) aanvanklik besluit het op die samestelling van spanne vir die Super 12 in 1995, is besluit dat dit onregverdig sou wees indien die Blues-konsessie die provinsiale spanne van North Harbour, Counties Manukau, Northland en Auckland sou insluit aangesien daar soveel All Blacks-spelers vir hierdie unies gespeel het. Indien die Blues dus uit hierdie unies sou bestaan, sou dit in effek ’n All Blackspan wees wat deelneem aan die Super 12.

Dit het daartoe gelei dat North Harbour en Northland deur die naaste ander span, die Waikato Chiefs verteenwoordig sou word. Dit het daartoe gelei dat die Blues nie die volle gebied van Auckland Provinsie verteenwoordig het nie omdat North Harbour die noordelike deel van Auckland verteenwoordig. Die Blues het egter Thamesvallei, wat geografies heelwat nader is aan Hamilton as aan Auckland, as deel van hul konsessie verteenwoordig.

Grense geherdefinieer[wysig]

Die vorige Blues logo wat tot middel 2000 gebruik is toe die logo verander is en Auckland uit die naam verwyder is
Sedert 1999 bestaan die Blues-konsessiegebied uit die mees noordelike deel van die Noord-Eiland

Teen die einde van die 1990’s het die hoeveelheid All Blacks van die bogenoemde unies gedaal. Dit het ’n uitruiling van provinsiale spanne tussen die Blues en die Chiefs tot gevolg gehad. Daar is besluit dat die Chiefs voortaan Thamesvallei en Counties Manukau sou verteenwoordig en die Blues Northland en North Harbour. Alhoewel North Harbour en Northland baie beter gevaar het in die Nasionale Provinsiale Kampioenskap (NPC) as Counties Manukau en Thamesvallei in die seisoen voor die uitruiling, het dit geografies meer sin gemaak. Ten spyte hiervan het die Blues die area wat in volksmond Suid-Auckland heet, verloor (dit sluit nie Mangere, Otahuhu, Papatoetoe en Oos-Tamaki in nie). Die Blues het dus Suid-Auckland geruil vir Noord-Auchland en het steeds nie die hele Auckland Provinsie verteenwoordig nie. In 2000 het al die Nieu-Seelandse Super 12-konsessies die gebiedsidentifiseerders (d.w.s. die Auckland voor Blues, die Waikato voor Chiefs ens.) weg laat val uit hul amptelike name.

Nadat die NPC in 2006 gestaak is en twee nuwe plaaslike kompetisies dit vervang het - die professionele Air New Zealand-beker en die sogenaamde amateur Heartland-kampioenskap - het die Blues die enigste Superrugbyspan gebly waarvan die provinsiale spanne waaruit die konsessie bestaan, slegs aan die Air New Zealand-beker deelneem.

Hoogtepunte[wysig]

Die Blues het die heel eerste Superrugbykompetisie in 1996 gewen toe hulle in die eindronde op Edenpark teen Natal met 45 - 21 gewen het. Dit is gevolg deur ’n kompetisiesege in 1997 (in hierdie jaar het hulle nie een wedstryd verloor nie, slegs een gelykop gespeel). Edenpark het in 1998 sy derde agtereenvolgende Super 12 eindstryd gesien toe die Canterbury Crusaders daarheen gereis het. Die span van Canterbury het die wedstryd met 20 - 13 gewen en gesorg dat die Blues nie ’n driekuns kon behaal nie.

Die Blues kon sedert 1997 nog net een keer die titel wen. Hulle het in 2003 teen die Crusaders met 21 - 17 gewen. Alhoewel die span gereeld All Blacks oplewer het hulle gesukkel om goed te doen. Hulle kon sedert 2003 slegs een keer tot die uitspeelrondes deurdring. Met die uitbreiding van die Super 12 na die Super 14 is gespekuleer dat die Blues ten minste tot die halfeindronde sou vorder en dat hulle sterk aanspraakmakers was op die titel. Hulle het egter teleurgestel met ’n agtste plek op die punteleër.[2]

Die Blues is die enigste span in Superrugby wat met ’n gelykopuitslag in terme van wedstryde teen die 7-malige kampioen, die Crusaders, kan spog. Dit is tans 8 elk.

Seisoenbepalings[wysig]

Super 12[wysig]

Die volgende tabel som die Blues se Super 12-uitslae op:[3]

Seisoen Pos Gespeel Gewen Gelyk Verloor Punte vir Punte teen +/- BP Pte Notas
1996 1ste 11 8 0 3 408 354 54 9 41 Wen teen Natal in eindronde
1997 1ste 11 10 1 0 435 283 152 8 50 Wen teen ACT Brumbies in eindronde
1998 2de 11 9 0 2 388 298 90 7 43 Verloor in eindronde teen Canterbury Crusaders
1999 9de 11 4 1 6 202 201 1 5 25
2000 6de 11 6 0 5 300 262 38 6 30
2001 11de 11 4 0 7 243 298 -55 5 21
2002 6de 11 6 0 5 318 249 69 5 29
2003 1ste 11 10 0 1 393 185 208 9 49 Wen teen Crusaders in eindronde
2004 5de 11 6 1 4 337 309 28 6 32
2005 7de 11 6 0 5 243 216 27 3 27


Super 14[wysig]

Die volgende tabel som die Blues se Super 14-uitslae op:[3]

Seisoen Pos Gespeel Gewen Gelyk Verloor Punte vir Punte teen +/- BP Pte Notas
2006 8ste 13 6 0 7 290 348 -58 5 29
2007 4de 13 9 0 4 355 235 120 6 42 Verloor in helfeindronde teen Sharks
2008 6de 13 8 0 5 354 267 87 8 40
2009 9de 13 5 0 8 339 369 -30 12 32
2010 7de 13 7 0 6 376 333 43 9 37

Superrugby[wysig]

Die volgende tabel som die Blues se Superrugby-uitslae op:

Seisoen Pos Gespeel Gewen Gelyk Verloor Punte vir Punte teen +/- BP1 Pte Notas
2011 4de 16 10 1 5 405 335 +70 10 60 Verloor in halfeindronde teen Reds
2012 12de 16 4 0 12 359 430 −71 8 32
2013 10de 16 6 0 10 347 364 −17 12 44
2014 10de 16 7 0 9 419 395 +24 9 37

1 Punte toegeken vir ’n loslootjie is nie hierby ingereken nie.

Huidige span[wysig]

Blues 2014 Superrugbyspan

Stutte

Hakers

Slotte

 

Losvoorspelers

Skrumskakels

Losskakels

 

Senters

Vleuels

Heelagters

Afrigters[wysig]

Notas en verwysings[wysig]

  1. (en) Edenpark
  2. (en) "Die Blues: 2006 Voorskou" planet-rugby.com, Februarie 2006, URL besoek op 17 September 2006
  3. 3,0 3,1 (en) "Super 14 Team Details (The Blues)" lassen.co.nz, retrieved 17 September 2006

Eksterne skakels[wysig]

Commons-logo.svg
Wikimedia Commons het meer media verwant aan:
Voorafgegaan deur:
Inwysingskampioene
2002 - Crusaders
Super 12-kampioene
1996 (1stel) - 1997 (2de)
2003 (3de)
Opgevolg deur:
1998 - Crusaders
2004 - Brumbies