Bulls (Superrugbyspan)
- Vir die Vodacom- en Curriebekerspan, sien Blou Bulle.
| Bulls | |||
 |
|||
| Unie | Suid-Afrikaanse Rugbyunie | ||
| Stigting | 1997 | ||
| Ligging | Pretoria, Suid-Afrika | ||
| Streek | Pretoria, Gauteng, Limpopoprovinsie | ||
| Stadion | Loftus Versfeld | ||
| Kapasiteit | 51,762 | ||
| Afrigter |  Frans Ludeke |
||
| Kaptein | Victor Matfield |
||
| Liga | Superrugby | ||
| 2011 | 7de | ||
        Spankleure
|
  Alt. kleure
|
||
| Amptelike webwerf | |||
| www.thebulls.co.za | |||
| Unie webwerf | |||
| www.sarugby.co.za | |||
Die Bulls (weens borgskapredes bekend as die Vodacom Bulls is 'n Suid-Afrikaanse rugbyunie wat sedert 1996 aan die Super 14 deelneem. Die konsessie sluit Pretoria, die Limpopoprovinsie en die Oosrand in. In terme van Curriebekerspanne kom die Bulls spelers van die Blou Bulle, Pumas en Valke af. Hulle tuiswedstryde word gespeel op Loftus Versfeld in Pretoria. Die huidige kaptein van die span is Victor Matfield.
Inhoud |
[wysig] Geskiedenis
Voor die professionele Superrugbyliga het Noord-Transvaal (Blou Bulle) aan die Super 10 deelgeneem tussen 1993 en 1995 waarin spanne van Suid-Afrika, Australië en Nieu-Seeland en die nasionale spanne van Wes-Samoa en Tonga gespeel het. Die beste drie spanne van die vorige seisoen se Curriebeker het gekwalifiseer vir die Super 10. Noord-Transvaal het in die 1993 seisoen in Poel B teen Transvaal, Nieu-Suid-Wallis, North Harbour en Waikato gespeel. Noord-Transvaal het derde geëindig in die rondomtalietoernooi. Hulle het nie aan die volgende twee seisoen deelgeneem nie.
Na die professionalisering van rugby is die Super 10-toernooi hergestruktureer. Die Super 12 is op die been gebring en spanne van Australië, nieu-Seeland en Suid-Afrika sou daaraan deelneem. Australië en Nieu-Seeland het van die begin af konsessiemodelle vir hul spanne gevorm maar Suid-Afrika het besluit om die beste vier spanne van die vorige seisoen se Curriebeker vir die Super 12 te oorweeg.
Noord-Transvaal was een van die spanne wat in heel eerste Super 12-kompetisie deelgeneem het. Die span het agt van die elf wedstryde gewen en derde op die punteleër geëindig, onder die Auckland Blues en die Queensland Reds. Jannie Kruger van Noord-Transvaal het ook die derde meeste punte van die seisoen aangeteken. Noord-Transvaal het na Auckland gereis vir die halfeindronde maar het met 48 - 11 verloor op Edenpark.
Na 'n redelik suksesvolle eerste toernooi het die Bulls ietwat teleurgestel in die volgende seisoen toe hulle net drie wedstryde kon wen (hulle het ook drie wedstryde gelykop gespeel). Hulle het die seisoen in die agtste plek afgesluit. Na afloop van die 1997-seisoen het Suid-Afrika besluit om ook konsessies te vorm vir deelname aan die Super 12. Die Bulls is as een van die nuwe konsessies gevorm. In 1998 het die Bulls nog swakker vertoon as in 1997 toe hulle die seisoen afgesluit het in die elfde plek nadat hulle slegs drie wedstryde kon wen. Vir die volgende vier seisoene (1999 - 2002) het die Bulls die laaste plek op die punteleër oorheers behalwe toe hulle in 2000 elfde was. Hulle kon in die vier seisoene slegs vier wedstryde wen en het in 2002 nie een wedstryd gewen nie en 500 punte afgestaan. Die Bulle is tot dusver die enigste span wat in een seisoen van Superrugby nie een wedstryd kon wen nie en ook om 500 of meet punte in een seisoen af te staan.
Die 2003- en 2004-seisoene was baie beter vir die Bulls en hulle het in altwee jare sesde geëindig. In 2005 het hulle weer tot die uitspeelrondes deurgedring nadat hulle derde was na afloop van die rondomtalietoernooi. Hulle het na Sydney gereis om teen die Waratahs te speel in die halfeindronde. Die Bulls het met 23 - 13 in Sydney verloor.
In 2006 het die Bulls weer na die uitspeelrondes deurgedring nadat hulle vierde op die punteleër geëindig het. Hierdie keer het hulle na Christchurch gereis om teen die Crusaders in die halfeindronde te speel. Hulle het daar met 35 - 15 verloor.
2007 was een van die Bulls se beste seisoene en hulle het 11 van die rondomtaliewedstryde gewen. In die laaste ronde moes die Bulls met 72 punte teen die Reds wen om 'n tuishalfeindstryd te verseker. Hulle het die Reds met 92 - 3 gewen (die grootste oorwinning tot nog toe in Superrugby) wat beteken het dat hulle tweede op die punteleër geëindig het. Dit het ook beteken dat die Bulls 'n tuishalfeindstryd[1] teen die wenners van die vorige seisoen, die Crusaders, gehad het. Die Bulls het die wedstryd met 27 - 12 gewen wat beteken het dat hulle na Durban moes reis vir die eindstryd teen die Sharks. Die Bulls het 'n spannende wedstryd na meer as 80 minute met 'n doelskop van Derick Hougaard. Nadat die sirene die einde van die wedstryd afgekondig het het François Steyn van die Sharks besluit om die bal in spel te hou. Hy het die bal geskop, Bryan Habana het die bal gevang en deur gehardloop om die drie te druk. Derick Hougaard moes die drie verdoel om die telling 20 - 19 te maak. Die Bulls het in daardie jaar die eerste Suid-Afrikaanse span geword wat die Superrugbykompetisie kon wen.
Die volgende jaar het die Bulls nie daarin gespaal om hul titel te verdedig nie en hulle het die seisoen afgesluit met 'n tiende plek. In 2009 het die Bulls verbeter op hul sukses van 2007 en het tien wedstryde gewen en bo aan die punteleër geëindig. Die Bulls moes weer teen die Crusaders speel in die halfeindronde en het die wedstryd in Pretoria met 36 - 23 gewen. Daarna het hulle teen die Chiefs in die eindronde gespeel. Dit was 'n eensydige wedstryd wat die Bulls met 61 - 17 gewen het.
[wysig] Konsessiegebied
Die konsessie is gesentreer om die Blou Bulle Rugbyunie (Pretoria en die Limpopoprovinsie) maar kry ook spelers van die Valke (wat die Oosrand verteenwoordig). Tot 2005 het die konsessie ook spelers van die Pumas (Mpumalanga) en die Luiperds (Noordwes) gekry maar met die herskikking van die Suid-Afrikaanse konsessies vir die 2006 seisoen, is hierdie twee unies geskuif na die Cats (nou die Lions).
[wysig] Stadion
Die Bulls speel al hul tuiswedstryde op Loftus Versfeld in Pretoria, wat ook die tuiste van die Blou Bulle in die Curriebeker is. Die Springbokke speel gereeld hier rugby en die stadion was ook een van die stadions wat gebruik is in die Rugbywêreldbeker 1995. Die stadion is sedert 1908 in gebruik en in 1932 is die stadion vernoem na Robert Owen Loftus Versfeld, die stigter van georganiseerde rugby in Pretoria.[2][3] Die stadion het sitplek vir 51, 762 mense.
[wysig] Seisoenbepalings
[wysig] Super 12
Die volgende tabel som die Bulls se Super 12-uitslae op:[4]
-
Seisoen Pos Gespeel Gewen Gelyk Verloor Punte vir Punte teen +/- BP Pte Notas 1996 3de 11 8 0 3 329 208 +121 6 38 verloor as Noord-Transvaal teen Auckland Blues in halfeindronde 1997 8ste 11 3 3 5 264 342 -78 4 22 as Blou Bulle (Noord-Transvaal) 1998 11de 11 3 0 8 249 306 -57 4 16 1999 12de 11 1 0 10 203 447 -244 3 7 2000 11de 11 1 2 8 231 395 -164 3 11 2001 12de 11 2 0 9 241 378 -137 3 11 2002 11de 11 0 0 11 232 500 -268 1 1 2003 6de 11 6 0 5 320 354 -34 5 30 2004 6de 11 5 1 5 302 320 -18 6 28 2005 3de 11 7 0 4 301 229 72 6 34 Verloor teen Waratahs in halfeindronde
[wysig] Super 14
Die volgende tabel som die Bulls se Super 14-uitslae op:[4]
-
Seisoen Pos Gespeel Gewen Gelyk Verloor Punte vir Punte teen +/- BP Pte Notas 2006 4de 13 7 1 5 355 290 65 8 38 Verloor in halfeindronde teen Crusaders 2007 1ste 13 9 0 4 388 223 165 6 42 Wen teen Sharks in eindronde 2008 10de 13 6 0 7 324 347 -23 4 28 2009 1ste 13 10 0 3 338 271 67 6 46 Wen teen Chiefs in eindronde 2010 1ste 13 10 0 3 436 345 91 7 47 Wen teen Stormers in eindronde
[wysig] SupeRugby
Die volgende tabel som die Bulls se Superrugby-uitslae op:
-
Seisoen Pos Gespeel Gewen Gelyk Verloor Punte vir Punte teen +/- BP1 Pte Notas 2011 7de 16 10 0 6 416 370 46 6 54
1 Punte toegeken vir 'n loslootjie is nie hierby ingereken nie.
[wysig] Huidige span
Bulls 2012 Superrugbyspan
|
Stutte Hakers Slotte |
Losvoorspelers
Skrumskakels Losskakels |
Senters Vleuels Heelagters |
[wysig] Afrigters
- Dr. John Williams (1996)
- Kitch Christie (1997)
- Eugene van Wyk (1998 - 1999)
- Heyneke Meyer (2000)
- Phil Pretorius (2001)
- Heyneke Meyer (2002)
- Rudi Joubert (2003)
- Heyneke Meyer (2004 - 2007)
- Frans Ludeke (2008 - huidig)
[wysig] Kapteins
- Ruben Kruger (1996 - 1997)
- Adriaan Richter (1998)
- Schutte Bekker (1999)
- Ruben Kruger (2000)
- Joost van der Westhuizen (2001)
- Chris le Roux (2002)
- Joost van der Westhuizen (2003)
- Victor Matfield (2004)
- Anton Leonard (2005)
- Victor Matfield (2006 - 2007)
- Fourie du Preez (2008)
- Victor Matfield (2009 - huidig)
[wysig] Rekords en statistiek
[wysig] Wedstryd
- Grootste sege: 89 punte teen die Reds (2007)
- Meeste punte aangeteken: 92 teen die Reds se 3 (2007)
- Grootste verlies: 64 punte teen die ACT Brumbies (1999)
- Meeste punte afgestaan: 75 vir die Crusaders teen die Bulls se 27 (2000)
- Meeste drieë gedruk: 13 teen die Reds (2007)
- Meeste drieë afgestaan: 11 teen die Crusaders (2000)
- Meeste indiwiduele punte: 35 deur Morné Steyn teen die Stormers (2005) en teen die Brumbies (2010)
- Meeste indiwiduele drieë: 3 deur Fourie du Preez teen die Cats (2004)
- Meeste doelskoppe: 11 deur Derick Hougaard teen die Reds (2007)
- Meeste strafdoele: 7 deur Jannie de Beer teen die Highlanders (2000)
- Meeste skepdoele: 4 deur Morné Steyn teen die Crusaders (2009)
[wysig] Indiwidueel
- Meeste wedstryde: Pedrie Wannenburg (2002 tot 2010)
- Meeste agtereenvolgende wedstryde: Pedrie Wannenburg (2003 tot 2010)
- Oudste speler: Johan le Roux (37 jaar 134 dae op 37 Maart 1999 teen die Brumbies)
- Meeste punte: Morné Steyn (600)
- Meeste drieë: Bryan Habana (37)
- Meeste doelskoppe: Morné Steyn (111)
- Meeste skepdoele: Morné Steyn (14)
- Meeste wedstryde as kaptein: Victor Matfield (51)
[wysig] Seisoen
- Meeste punte: 435 in 15 wedstryde (2007, 2009)
- Meeste indiwiduele punte: 189 deur Morné Steyn (2009)
- Meeste drieë: 48 in 15 wedstryde (2009)
- Meeste indiwiduele drieë: 9 deur Bryan Habana (2005)
- Meeste doelskoppe: 33 deur Morné Steyn (2009)
- Meeste strafdoele: 33 deur Derick Hougaard (2007)
- Meeste skepdoele: 11 deur Morné Steyn (2009)
[wysig] Verwysings
- ^ (en) "Rugby-Bulls blitz Reds 92-3 to earn home semi-final". Reuters: 2007-05-05. URL besoek op 2007-05-06.
- ^ (en) "Sports stadiums in South Africa". SouthAfrica.info. URL besoek op 2007-05-06.
- ^ (en) "Loftus Versfeld - History". Vodacom Blue Bulls. URL besoek op 2007-05-06.
- ^ 4,0 4,1 (en) "Superrugby spanbesonderhede (Bulls)". Lassen Creative Technologies Ltd. URL besoek op 2010-03-16.
[wysig] Eksterne skakels
- Bluebulls.co.za Amptelike webblad
- bluebullsrugby,com Amptelike ondersteunersblad
- Bulls by super14.com
- superrugby.co.za
| Voorafgegaan deur: 2006 - Crusaders 2008 - Crusaders |
Super 14-kampioene 2007 (1ste) 2009 (2de) - 2010 (3de) |
Opgevolg deur: 2008 - Crusaders 2011 - Reds |
|
|||||||||||||||||||||||
