Fita

in Wikipedia, die vrye ensiklopedie
Spring na: navigasie, soek
Cyrilliese letter Ѳ
Cyrillic letter Fita.svg
Cyrilliese alfabet
А Б В Г Ґ Д Ђ
Ѓ Е Ё Є Ж Ѕ З
И І Ї Й Ј К Л
Љ М Н Њ О П Р
С Т Ћ Ќ У Ў Ф
Х Ц Ч Џ Ш Щ Ъ
Ы Ь Э Ю Я    
Ou letters
Ҁ Ѹ Ѡ Ѻ Ѿ Ѣ IA  
Ѥ Ѧ Ѫ Ѩ Ѭ Ѯ Ѱ
Ѵ Ѷ Ѳ        

Ѳ (kleinletter: ѳ) is ’n letter van die Ou Cyrilliese alfabet wat nie meer gebruik word nie. Dit is afgelei van die Griekse letter theta (Θ θ). Dit het ook die syferwaarde 9 gehad.

In tradisionele Kerkslawies is die middelste lyn sowat twee keer so wyd as die hoofdeel van die letter en lyk dit soos by die letter T: Early Cyrillic letter Fita.png. Soms was die lyn so laag as die onderste lyn van die letter Д en dit het baie leesprobleme veroorsaak. By sekere lettertipes was die lyn binne-in die "O".

Die tradisionele naam van die letter was fita (Russies: фита́, of voor 1918 ѳита́). Fita is hoofsaaklik gebruik in Griekse leenwoorde. Die Russiese uitspraak was /f/ (in plaas van /θ/ soos in die Engelse woord thin). "Theodore" is byvoorbeeld uitgespreek as "Feodor" (nou "Fjodor"). In baie Russiese woorde is die letter egter uitgespreek as /t/, soos in театръ (teatr vir die Engelse theatre), атлетъ (atljet vir die Engelse athlete), ens.

In die meeste ander Slawiese tale is die letter uitgespreek as /t/. In Bulgaars, Serwies en Masedonies is Theodore byvoorbeeld Тодор (Todor) of Теодор (Teodor).