Golden Gate Hoogland Nasionale Park
Die Golden Gate Hoogland Nasionale Park is geleë in die Oos-Vrystaatse bergland; dit lê aan die voetheuwels van die Malutiberge. Die park is 11 500ha groot en in 1963 geproklameer. Die hoogtes van die park wissel van 1 892m tot 2 770m bo seevlak. Aan die suide van park is die Monantsapas op die grens met Lesotho. Die Caledonrivier ontspring naby die pas.
[wysig] Fauna en Flora
Die Park is vernoem na die goue kleure wat die sandsteen aanneem as die son daarop skyn. Die mees bekendste van die sandsteen rotse is die Brandwag rots. Die hoogland habitat huisves verskillende dierespesies, insluitend swartwildebees, eland, oorbietjie, springbok, blesbok en bontkwagga, om maar 'n paar te noem. Daar is ook 'n groot verskeidenheid voëls wat hier aangetref word: witkruisarend, jakkalsvoël, bloukraanvoël, sekretarisvoël en verskeie ander spesies. Die skaars lammergier met 'n vlerkspan van 3m kom ook hier voor.
[wysig] Akkommodasie
Akkommodasie in die park is beskikbaar by Glen Reenen en die Brandwag ruskampe. Die naaste dorp vanaf Golden Gate Hoogland Nasionale Park is Clarens.
[wysig] Bron
- Op pad in Suid-Afrika. BPJ Erasmus. 1995. ISBN 1-86842-026-4
-
Die Brandwag-hotel.
-
Uitsig op sandsteen kranse in Golden Gate.
-
Groot rotse in die park.
