Heliosfeer

in Wikipedia, die vrye ensiklopedie
Spring na: navigasie, soek
Voyager 1 tree sonskede binne.jpg

Die sonsfeer of heliosfeer is 'n bel of borrel in die ruimte wat deur die sonwind in die interstellêre materie (die waterstof en helium wat die sterrestelsel deurdring) "blaas". Alhoewel elektries neutrale atome van die buitenste ruim hierdie bel kan binnedring, is byna al die materie in die sonsfeer van die Son self afkomstig.

Vir die eerste 10 miljard kilometer van sy radius, reis die sonwind teen meer as 'n miljoen kilometer per uur. Soos dit met die interstellêre materie begin bots, vertraag dit en stop naderhand geheel en al. Die gebied waar die sonwind begin vertraag, word die grensskok genoem. Die punt waar die druk van die sonwind en interstellêre materie in balans is, is die heliopouse; die punt waar die interstellêre materie (wat in die teenoorgestelde rigting beweeg) tydens sy botsing met die sonsfeer vertraag, staan bekend as die boogskok.