Honsjoe

vanuit Wikipedia, die vrye ensiklopedie.

Honsjoe
Honshu-eiland, Japan
Geografie
Ligging	Oos-Asië
Argipel	Japannese Argipel
Oppervlak	230 500 km²
Hoogste punt	Fuji {{{elevation}}}
Administrasie
Japan
Prefekture	Hiroshima, Okayama, Shimane, Tottori, Yamaguchi, Hyōgo, Kyoto, Mie, Nara, Osaka, Shiga, Wakayama, Chiba, Gunma, Ibaraki, Kanagawa, Saitama, Tochigi, Tokio, Akita, Aomori, Fukushima, Iwate, Miyagi, Yamagata, Aichi
Grootste stad	Tokio (1 2570 000)
Demografie
Bevolking	98 352 000
Bevolkingsgroepe	Japannese

Honsjoe (hulp·inligting) (本州, ^? letterlik "Hoofland") is die grootste eiland van Japan en word die hoofland genoem. Dit is suid van Hokkaido wat aan die anderkant van die Tsugaru-seestraat geleë is, noord van Sjikokoe wat aan die ander kant van die Binnelandse See geleë is en noordoos van Kioesjoe aan die anderkant van die Kanmon-seestraat. Dit is die sewende grootste eiland ter wêreld in oppervlak en die eilande met die grootste bevolking ter wêreld na Java.

Die eiland is ongeveer 1 300 km lank en wissel in wydte tussen 50 tot 230 km met 'n totale oppervlak van 230 500 km², omtrent 60% van die totale oppervlak van Japan. Dit is groter as die eiland Groot Brittanje en effens groter as die Amerikaanse staat Minnesota. Honsjoe se kuslyn is 5 450 km lank.

Honsjoe is bergagtig en vulkanies en loop gereeld deur onder aardbeweings. Die Groot Kantō aardbewing het Tokio byvoorbeeld in September 1923 erg beskadig. Die hoogste pieke op die eiland is die aktiewe vulkaan Fuji teen 3 776 m, wat dit die wêreld se sewende hoogste eiland maak. Die eiland beskik oor talle riviere insluitend die Shinanorivier, Japan se langste rivier. Die eiland se klimaat is gematig maar daar is 'n merkbare verskil tussen die oostelike of suidelike kant en die westelike of noordelike (See van Japan kus) kant. 'n Bergreeks loop langs die hele lengte van Honsjoe. Benewens Fuji is die Japannese Alpe 'n belangrike landmerk van Honsjoe.