Huis van Karađorđević

in Wikipedia, die vrye ensiklopedie
Spring na: navigasie, soek
Huis van Karađorđević
Wapen van die Huis van Karađorđević
Wapen van die Huis van Karađorđević
Lande Serwië, Joego-Slawië
Stigter Karađorđe Petrović
Gestig 1804
Laaste heerser Pieter II van Joego-Slawië
Titels Prins (Кнез/Knez), koning (Краљ/Kralj)
Huidige hoof Alexander, kroonprins van Joego-Slawië

Die Huis van Karađorđević (Serwies: Карађорђевићи; Engels: Karageorgevich) was ’n Serwiese regerende dinastie wat afgestam het van Karađorđe (Đorđe/George Petrović). Die familie het die troon in November 1945 verloor toe die Kommunistiese Party die bewind in Joego-Slawië oorgeneem het. Koning Pieter II het nooit geabdikeer nie.

Geskiedenis[wysig]

Die stigter, Karađorđe Petrović.

Die Karađorđevic-familie was aanvanklik die Serwiese koningshuis, toe die koningshuis van die Serwiërs, Kroate en Slowene en toe die koningshuis van Joego-Slawië. Die huis stam af van Đorđe Petrović, ’n handelaar wat onder sy aanhangers bekend was as Karađorđe. In 1804 het die Serwiërs in opstand gekom teen die Ottomaanse Ryk wat in daardie stadium oor die Balkan-skiereiland regeer het. Die Eerste Serwiese Opstand was geslaagd en Karađorđe het ’n regering in Belgrado saamgestel. In 1811 is hy erken as heerser met sy familie as wettige opvolgers. Die Ottomans het egter in 1813 teruggekeer en Karađorđe en sy familie het gevlug. Sy seun prins Alexander het egter teruggekeer en van 1842 tot 1858 oor Serwië regeer.

Toe Karađorđe vermoor word deur Miloš Obrenović, het ’n bloedvete tussen die huise van Karađorđević en Obrenović ontstaan wat voortgeduur het tot die Obrenović-koning Alexander I en sy familie vermoor is en die Karađorđević-dinastie teruggekeer het.

In 1903 het die nasionale vergadering van Serwië gevra dat prins Pieter – die kleinseun van Karađorđe – die troon bestyg en hy is gekroon as koning Pieter I van Serwië. Kort voor die einde van die Eerste Wêreldoorlog is die Koninkryk van die Serwiërs Kroate en Slowene onder koning Pieter I geproklameer. In 1918 het Pieter I koning geword van die nuwe ryk Joego-Slawië, wat bestaan het uit Serwië, Montenegro en dele van die voormalige Oostenryk-Hongarye: Kroasië, Slowenië en Bosnië-Herzegowina. Hy is in 1921 opgevolg deur sy seun Alexander I (1888-1934), wat egter in 1934 vermoor is. Sy minderjarige seun Pieter II (1923-1970) het regeer tot in 1941 onder regentskap van sy oom Paul (1893-1976), maar is ná die Tweede Wêreldoorlog deur die kommuniste afgesit (29 November 1945). Sy seun Alexander II (1945) is die huidige aanspraakmaker op die troon.

Regerende lede[wysig]

Wapen van die Koninkryk van Serwië.
Wapen van die Koninkryk van Joego-Slawië.

Die regerende lede van die familie was:

Huidige nie-regerende lede:

  • Alexander Karađorđević, kroonprins van Joego-Slawië en Serwië
  • SKH prins Nikola Karadjordjevic, hoof van die Kraljevic Tomislav-tak
  • SKH prins Vladimir Karadjordjevic, hoof van die Kraljevic Andrej-tak
  • SKH prins Alexander, seun van prins Paul), hoof van die prins Paul-tak

Opvolging[wysig]

Kroonprins Alexander II woon sedert 2001 in Belgrado in die koninklike paleis. As seun van die laaste koning, Pieter II, wat nooit geabdikeer het nie, het hy volle reg tot die Serwiese troon. Hy het egter al gesê Serwië moet demokrasie kroon voordat dit die koning kan kroon.

Hy is bekend vir sy demokratiese standpunte. Hy ontvang alle godsdienstige leiers in die paleis en spreek gereeld sy wens uit vir menseregte en demokrasie.

Verwysings[wysig]

Hierdie artikel is merendeels vertaal vanaf die Engelse Wikipedia-artikel [1]

Eksterne skakels[wysig]

Commons-logo.svg
Wikimedia Commons het meer media verwant aan:
Regerende dinastieë in Europa
België (België) • Bernadotte (Swede) • Bourbon (Spanje) • Grimaldi (Monaco) • Liechtenstein (Liechtenstein) • Nassau-Weilburg (Luxemburg) • Oranje-Nassau (Nederland) • Sleeswyk-Holstein-Sonderburg-Glücksburg (Denemarke/Noorweë) • Windsor (Verenigde Koninkryk)
Tydens die 20ste eeu onttroon: Bragança-Wettin (Portugal) • Habsburg (Oostenryk-Hongarye) • Hohenzollern (Duitsland) • Hohenzollern-Sigmaringen (Roemenië) • Karađorđević (Joego-Slawië) • Osman (Turkye) • Romanof (Rusland) • Sakse-Koburg en Gotha (Bulgarye) • Savoje (Italië/Albanië/Kroasië) • Sleeswyk-Holstein-Sonderburg-Glücksburg (Griekeland/Ysland) • Wittelsbach (Duitsland/Denemarke/Noorweë/Swede/Griekeland) • Zogoe (Albanië)