Huis van Liechtenstein

in Wikipedia, die vrye ensiklopedie
Spring na: navigasie, soek
Huis van Liechtenstein
Wapen van die Huis van Liechtenstein
Wapen van die Huis van Liechtenstein
Hoof Hans-Adam II
Titel Prins
Voorganger Franz Joseph II
Regmatige opvolger Alois
Stigter Karl I
Gestig in 1608

Die Huis van Liechtenstein, van wie die prinsdom sy naam gekry het, is die familie wat oor die prinsdom van Liechtenstein heers.

Geskiedenis[wysig]

Karl I, die eerste Prins van Liechtenstein.

Karl I (30 Julie 156912 Februarie 1627) was die eerste Prins van Liechtenstein en dus die stigter van die dinastie. Keiser Rudolf II van die Heilige Romeinse Ryk het hom aangestel as hoofopsigter, ’n belangrike posisie aan sy hof. Karl het dit beklee tot in 1607.

In ’n dispuut oor land tussen die keiser en die troonopvolger, aartshertog Mathias, het Karl hom by Mathias geskaar en dié het hom in 1608 ’n erfprins gemaak uit dankbaarheid vir sy hulp.

Die familie het die Liechtenstein-kasteel in Laer-Oostenryk ten minste sedert 1140 tot die 13de eeu besit en weer vanaf 1807. Deur die eeue het die dinastie groot grondgebiede bygekry, hoofsaaklik in Morawië, Laer-Oostenryk, Silesië en Stiermarke. Al die gebiede was egter leengrond. Sonder enige grondgebied wat direk onder die dinastie geval het, het hulle nie gekwalifiseer vir ’n setel in die keiserlike ryksdag nie.

Die familie wou bitter graag die groter mag hê wat ’n setel in die keiserlike regering sou meebring, en eindelik het hulle die klein "Herrschaft" Schellenberg en graafskap Vaduz (in 1699 en 1712 onderskeidelik) van die Hohenems-familie gekoop.

Op 23 Januarie 1719 het Charles VI, Heilige Romeinse Keiser, bepaal dat Vaduz en Schellenberg verenig is en verhef is tot die status "Fürstentum" (prinsdom) met die naam "Liechtenstein" ter ere van sy "getroue dienskneg Anton Florian van Liechtenstein". Op dié datum het Liechtenstein ’n soewereine lidstaat van die Heilige Romeinse Ryk geword.

Die hede[wysig]

Die huidige hoof van die dinastie is Hans-Adam II. Sy oudste seun, Alois, is die regmatige troonopvolger.

Op 15 Augustus 2004 het prins Hans-Adam die mag om regeringsbesluite te neem aan Alois oorgegee as ’n manier van oorgang na ’n nuwe geslag. Hans-Adam is egter nog die amptelike staatshoof.[1]

Prinse van Liechtenstein[wysig]

Naam Van Tot
Karl I 1608 1627
Karl Eusebius 1627 1684
Hans-Adam I 1699 1712
Joseph Wenzel Karl 1712 1718
Anton Florian 1718 1721
Joseph Johann Adam 1721 1732
Joseph Wenzel Karl 1732 1745
Johann Nepomuk Karl 1732 1748
Joseph Wenzel Karl 1748 1772
Franz Joseph I 1772 1781
Alois I 1781 1805
Johann I Joseph 1805 1836
Alois II 1836 1858
Johann II 1858 1929
Franz I 1929 1938
Franz Joseph II 1938 1989
Hans-Adam II 1989 hede

Eksterne skakels[wysig]

Verwysings[wysig]

Hierdie artikel is merendeels vertaal vanaf die Engelse Wikipedia-artikels [1], [2] en [3].
  1. Country profile: Liechtenstein - Leaders BBC News, 6 Desember 2006. Besoek op 29 Desember 2006.
Regerende dinastieë in Europa
België (België) • Bernadotte (Swede) • Bourbon (Spanje) • Grimaldi (Monaco) • Liechtenstein (Liechtenstein) • Nassau-Weilburg (Luxemburg) • Oranje-Nassau (Nederland) • Sleeswyk-Holstein-Sonderburg-Glücksburg (Denemarke/Noorweë) • Windsor (Verenigde Koninkryk)
Tydens die 20ste eeu onttroon: Bragança-Wettin (Portugal) • Habsburg (Oostenryk-Hongarye) • Hohenzollern (Duitsland) • Hohenzollern-Sigmaringen (Roemenië) • Karađorđević (Joego-Slawië) • Osman (Turkye) • Romanof (Rusland) • Sakse-Koburg en Gotha (Bulgarye) • Savoje (Italië/Albanië/Kroasië) • Sleeswyk-Holstein-Sonderburg-Glücksburg (Griekeland/Ysland) • Wittelsbach (Duitsland/Denemarke/Noorweë/Swede/Griekeland) • Zogoe (Albanië)