Klas 43-000-diesellokomotief

in Wikipedia, die vrye ensiklopedie
Suid-Afrikaanse Klas 43-000

No. 43-121 te Pyramid-Suid, Pretoria, 14 Mei 2013
Tipe en oorsprong
Kragtipe Diesel-elektries
Ontwerper General Electric
Vervaardiger General Electric
Transnet Engineering [1]
Serienommer GE gebou:
58851-58855/2010
58856-58860/2011 [2]
Model GE C30ACi
Klas Klas 43-000
Vervaardig 2010-2013
Aantal gebou 250
Bouspesifikasies
AAR wieluitleg C-C
UIC wielklassifikasie Co'Co' (Co-Co interlink boegies)
Spoorbreedte Kaapspoor
Lokomotiefmassa 126 t
Aandrywing
Brandstof Diesel
Brandstofkapasiteit 7 000 l
Enjintipe Dieselenjin
Belugting Elektroniese brandstofinspuitingstelsel
Traksiemotors Ses GE 3-fase wisselstroominduksiemotors
Werkverrigting
Maksimumspoed 100 km/h
Kraglewering 3300 pk
Trekkrag 548 kN wegtrek
460 kN aanhoudend
teen 14.8 kN
Lokomotiefremme Dinamiese remming
Lokoremkrag Piek: 288 kN
Veiligheidstelsels "Loco-cam" [1]
Diensgeskiedenis
Gebruiker Transnet Freight Rail
Kumba Iron Ore
Caminhos de Ferro de Moçambique
Aantal in klas TFR 143, CFM 10, Kumba 6
Vlootnommer(s) TFR 43-001 tot 43-143
CFM D701 tot D710
Kumba F123-0100 tot F123-0600
Afleweringsdatum 2011-2013
Eerste tog 2011

Die Suid-Afrikaanse Klas 43-000 van 2011 is 'n Suid-Afrikaanse diesel-elektriese lokomotief uit die Transnet Freight Rail-era.

In Januarie 2011 het Transnet Ingenieurswese by Koedoespoort in Pretoria die lewering van die eerste twee van die 143 Klas 43-000 General Electric tipe C30ACi diesel-elektriese lokomotiewe vir Transnet Freight Rail ontvang. 'n Verdere agt is van die Verenigde State van Amerika af verskeep in April 2011. In Julie 2011 het die eerste van die 133 plaaslikvervaardigde lokomotiewe by die Koedoespoortwerke in Pretoria uitgerol.[1]

Teen laat-2013 is die eerste van hierdie lokomotiewe ook gelewer aan Kumba by Sishen en aan "Caminhos de Ferro de Moçambique", die Mosambiekse spoorweë.[3][4]

Vervaardigers[wysig | wysig bron]

Tenderproses[wysig | wysig bron]

'n Tenderproses in 2006 en 2007 het Electro-Motive Sibanye gekies, 'n gesamentlike onderneming tussen Electro-Motive Diesel (EMD) en Sibanye Trade and Services, as voorkeurbieër om tweehonderd-en-twaalf lokomotiewe te verskaf aan Transnet Freight Rail (TFR). Sibanye was 'n Suid-Afrikaanse Swart Ekonomiese Bemagtigingsmaatskappy (SEB) wat in lokomotiewe en onderdele handel dryf. Hierdie ooreenkoms is egter gekanselleer te midde van berigte en latere bevestiging van tenderonreëlmatighede.[5][6]

'n Nuwe tenderproses is geïnisieer, wat drie lokomotiefvervaardigers, EMD, General Electric (GE) en Siemens, genooi het om te bie vir 'n kontrak om honderd nuwe diesel-elektriese lokomotiewe te bou. In 2009 is aangekondig dat GE die suksesvolle bieër was.[7]

Konstruksie[wysig | wysig bron]

Die Klas 43-000 GE tipe C30ACi diesel-elektriese lokomotief is ontwerp deur GE Transportation Systems, 'n afdeling van GE. Die eerste tien lokomotiewe is in Erie, Pennsilvanië deur GE gebou en ingevoer. Hulle is in Januarie en April 2011 afgelewer en is genommer in die reeks 43-001 tot 43-010. [8]

Die res is deur Transnet Engineering (TE) en GE South African Technologies (GESAT)) gebou in die Koedoespoort werkswinkels van TRE in Pretoria en is genommer in die reeks 43-011 tot 43-100. Die eerste van hierdie, 43-011, het uitgerol in Julie 2011. [9]

Aan die begin van 2012 is die kontrak verleng vir die konstruksie van 'n verdere 43 lokomotiewe, in die reeks gemommer 43-101 tot 43-143. Op 27 Junie 2012 vier TRE en GESAT die bekendstelling van die vyftigste Klas 43-000 lokomotief te Koedoespoort, wat die voltooiing van 60% van die eerste kontrak vir die verskaffing van 'n honderd lokomotiewe aandui. [9]

Na voltooiing van die eerste TFR bestellings, het die TE produksielyn by Koedoespoort voortgegaan om C30ACi diesel-elektriese lokomotiewe vir kliënte elders in Afrika te vervaardig. Aangesien die C30ACi die nuuts-ontwerpte GE lokomotief is, en spesifiek ontwerp en gebou is vir Kaapspoor wat algemeen gebruik word in Wes- en Suider-Afrika, kan potensiële kliënte Ghana, Nigerië, Kongo-Brazzaville, die Demokratiese Republiek van die Kongo, Angola, Mosambiek, Malawi, Zambië, Botswana, Namibië, Suid-Wes Tanzanië en Zimbabwe insluit. [10] Die eerste kliënte behalwe TFR was Kumba Iron Ore en Caminhos de Ferro de Moçambique.

In 2014 bestel TFR 'n verdere 91 klas 43-000-lokomotiewe by TE om sy vloot te vergroot tot 234 eenhede. [11]

Funksies[wysig | wysig bron]

Bemanningsgerief[wysig | wysig bron]

Die lokomotiewe is gebou met beide veiligheid en bemanning gemak in gedagte. Die kajuit is toegerus met 'n "Loco-cam", 'n lugversorger, 'n yskas langs die kajuitvoordeur en 'n toilet in die vorm van 'n "Porta Pottie" met 'n vloerdrein buitentoe. [1]

Brandstofdoeltreffendheid[wysig | wysig bron]

Die GE tipe C30ACi is die eerste wisselstroom-diesel-elektriese lokomotief om na Sub-Sahara Afrika ingevoer te word, en ook die eerste om te voldoen aan die UIC II uitlaatstandaarde van die Internasionale Unie van Spoorweë (Frans: Union Internationale des Chemins de fer, UIC). Dit het die uitlaatstandaarde vir rem-spesifieke stikstofoksiede, onverbrande koolwaterstowwe, koolstofmonoksied en deeltjies oortref. Die lokomotiewe word verwag om meer brandstof-doeltreffend te wees en laer emissies te hê as tipiese diesel-elektriese lokomotiewe wat tot nou toe in Suid-Afrika bedryf is.[9][12]

Vastrap en remme[wysig | wysig bron]

In vergelyking met die gemiddelde dertigjaar-oue bestaande TFR diesel-elektriese lokomotief, bied die Klas 43-000 'n groter deurlopende trekkrag en 'n hoër hegtingsvermoë. Minder lokomotiewe word benodig om dieselfde hoeveelheid goedere te trek, deur die vervanging van vier van die ouer lokomotiewe met drie van die nuwe modelle.[13][14]

Indien 'n lokomotief 'n traksiemotor verloor, word dieselfde krag herverdeel na die oorblywende vyf vastrapmotors. Die Klas 43-000 is die eerste Suid-Afrikaanse diesel-elektriese lokomotief wat dinamies gerem kan word vanaf die kruipspoed van 1 km/h. [15]

Diens[wysig | wysig bron]

Transnet Freight Rail[wysig | wysig bron]

Transnet Freight Rail se Klas 43-000s is aanvanklik in diens geplaas op die steenkoollyn in Mpumalanga via Swaziland na Richardsbaai, en in 2012 ook op die Sishen-Saldanha ystererts uitvoerlyn. [16] In Mei 2013 is nuwe Klas 43-000s ook waargeneem by die Pyramid-Suid lokomotiefdepot noord van Pretoria.

Kumba Iron Ore[wysig | wysig bron]

In November 2013 is ses C30ACi diesel-elektriese lokomotiewe, ook gebou by Transnet Engineering se Koedoespoortfabriek, oorhandig aan Kumba vir gebruik om ysterertstreine te rangeer by sy Sishen-myn in die Noord-Kaap. Die lokomotiewe, genommer in die reeks van F123-0100 tot F123-0600, is in donkerblou kleure geverf met geel handrelings en trappe, en vervang tien ouer lokomotiewe wat gehuur is van Transnet wat in pare gebruik is om die laaibedrywighede te hanteer. 'n Enkele C30ACi kan gebruik word om 'n trein van 114 ertswaens te laai, waar vroeër twee lokomotiewe nodig was. [3]

Caminhos de Ferro de Moçambique[wysig | wysig bron]

In Desember 2013 is die eerste vier van tien C30ACi lokomotiewe deur Transnet Engineering aan Caminhos de Ferro de Moçambique, die Mosambiekse spoorweë, afgelewer, vir gebruik op sy suidelike netwerk uit Maputo. Die nuwe lokomotiewe is aangekoop om die spoorweë minder afhanklik te maak van gehuurde lokomotiewe uit Suid-Afrika en Indië. [4]

Gemengde kragwerk[wysig | wysig bron]

Op die Sishen-Saldanha-ysterertsuitvoerlyn word GE Klas 34-reeks en Klas 43-000 diesel-elektriese lokomotiewe saam met Klas 9E en Klas 15E elektriese lokomotiewe gebruik om die 342-trokysterertstreine te sleep. Die waens het elk 'n 100 ton kapasiteit en die treine is ten minste 3,72 kilometer (2,31 myl) lank, aangedryf deur gemengde samestelle van Klas 9E en Klas 15E elektriese, GE tipe U26C Klasse 34-000, 34-400, 34-500 en 34-900; en vanaf 2012, GE tipe C30ACi Klas 43-000 diesel-elektriese lokomotiewe. In Suid-Afrika is gemengde elektriese en diesel-elektriese samestelle uniek aan die ysterertsuitvoerlyn. [17][18][19]

'n Ysterertstrein omtrent 100 km noord van Lambertsbaai. (Skuif die balkie hierbo na links en regs om die hele lang trein te sien)
'n Ysterertstrein omtrent 100 km noord van Lambertsbaai. (Skuif die balkie hierbo na links en regs om die hele lang trein te sien)

'n Klas 9E of Klas 15E elektriese lokomotief dien as die meester van elke gemengde elektriese en diesel-elektriese samestel, met 'n totaal van tussen agt en twaalf lokomotiewe per trein, afhangende van die lokomotieftipes betrokke en twaalf synde die maksimum aantal toegelaat. Trekkrag bestaan gewoonlik uit drie stelle van lokomotiewe en 'n enkele elektriese lokomotief wat stoot aan die agterkant van die trein. Elke lokomotief wat gewoonlik bestaan uit een klas 9E of 15E elektriese en een of twee Klas 34 of 43-000 diesel-elektriese lokomotiewe, met elke stel se elektriese lokomotief beheer van die onderskeie diesel-elektriese samestelle, deur middel van 'n "slimkabel". In effek bestaan elke ertstrein dus uit drie afsonderlike 114 wa treine saamgestel met die lokomotiewe van al drie treine en die stootlokomotief aan die agterkant, almal beheer met 'n "Locotrol" trekkragbeheerstelsel deur een bemanning in die voorste elektriese lokomotief. 'n Tipiese trein sou dus opgemaak wees uit lokomotiefstel A, 114 waens, lokomotiefstel B, 114 waens, lokomotiefstel C, 114 waens, en die stootlokomotief. [17][18][19][20]

Bounommers[wysig | wysig bron]

Die GE-geboude Klas 43-000 plaatnommers[2]

Kleurillustrasies[wysig | wysig bron]

Al die Klas 43-000 lokomotiewe word gelewer in rooi-en-geel TFR kleure. Die eerste foto hieronder toon no. 43-001 op sy afleweringslopie, wat van Durban af gesleep is na Koedoespoort nadat hy aan land gebring is by die Durbanse hawe.

  • No. 43-001 te Balgowan, KwaZulu-Natal, 28 Januarie 2011
    No. 43-001 te Balgowan, KwaZulu-Natal, 28 Januarie 2011
  • No. 43-116 te Pyramid-Suid, Pretoria, 14 Mei 2013
    No. 43-116 te Pyramid-Suid, Pretoria, 14 Mei 2013
  • No. 43-124 at Pyramid-Suid, Pretoria, 14 Mei 2013
    No. 43-124 at Pyramid-Suid, Pretoria, 14 Mei 2013
  • No. 43-064 te Orexwerf, Saldanha, 10 Februarie 2013
    No. 43-064 te Orexwerf, Saldanha, 10 Februarie 2013
  • No. 43-071 in die treinopstelwerf, Saldanha, 10 Februarie 2013
    No. 43-071 in die treinopstelwerf, Saldanha, 10 Februarie 2013

Sien ook[wysig | wysig bron]

Eksterne skakels[wysig | wysig bron]

Verwysings[wysig | wysig bron]

  1. ↑ 1,0 1,1 1,2 1,3 Railways Africa, 12 Feb 2010: New GE Diesels for South Africa
  2. ↑ 2,0 2,1 Middleton-SA Loco Guide
  3. ↑ 3,0 3,1 "International Railway Journal, 28 November 2013: Kumba Iron Ore ontvang GE lokomotiewe". Geargiveer vanaf die oorspronklike op 6 November 2014. Besoek op 8 November 2014.
  4. ↑ 4,0 4,1 "CFM adquire 10 Locomotivas para o Sistema Ferroviário Sul". Geargiveer vanaf die oorspronklike op 2 Februarie 2014. Besoek op 8 November 2014.
  5. ↑ Railways Africa, 2 Apr 2009: Why Transnet Discontinued That Diesel Order
  6. ↑ Railways Africa, 12 Maart 2009: Transnet Tender to High Court
  7. ↑ Engineering News, 18 Dec 2009: Transnet Signs GE Transportation Deal for 100 Locomotives
  8. ↑ Enola Yard, 28 Desember 2010
  9. ↑ 9,0 9,1 9,2 "Railways Africa, 10 Jul 2012: Klas 43 Loko viering". Geargiveer vanaf die oorspronklike op 21 Oktober 2013. Besoek op 8 November 2014.
  10. ↑ Railways Africa, 17 Sep 2013: Koedoespoort: Locos for Africa
  11. ↑ "Transnet bou meer klas 43s". Geargiveer vanaf die oorspronklike op 2 November 2014. Besoek op 8 November 2014.
  12. ↑ International: UIC Locomotive Emission Standards
  13. ↑ Ecomagination – Progress for 2011: C30-ACi (South African) Locomotive
  14. ↑ Railways Africa, 10 Julie 2012: Omtrent die nuwe Klas 43
  15. ↑ 'n Drywer se kommentaar oor die Klas 43-000
  16. ↑ Railways Africa, 26 Maart 2010: Meer lokos vir TFR
  17. ↑ 17,0 17,1 Information supplied by Orex train crew members
  18. ↑ 18,0 18,1 "Actom Divisions News, 22 July 2010". Geargiveer vanaf die oorspronklike op 5 Maart 2016. Besoek op 8 November 2014.
  19. ↑ 19,0 19,1 Picture essay: Sishen-Saldanha Iron Ore Export Line (OREX)
  20. ↑ "Locotrol-verspreide krag". Geargiveer vanaf die oorspronklike op 2 Desember 2013. Besoek op 8 November 2014.
Ontsluit van "https://af.wikipedia.org/w/index.php?title=Klas_43-000-diesellokomotief&oldid=2453849"