Richardsbaai
| Richardsbaai (Richards Bay) |
|
 |
|
  Richardsbaai
|
|
| Koördinate: | |
| Land |  Suid-Afrika |
|---|---|
| Provinsie | KwaZulu-Natal |
| Distriksmunisipaliteit | uThungulu |
| Plaaslike Munisipaliteit | uMhlathuze |
| Stigting | 1879 |
| Bevolking (2010) | |
| - Stad | 335 939 |
| Tydsone | SAST (UTC+2) |
Richardsbaai (Engels: Richards Bay) is 'n dorp in die ooste van KwaZulu-Natal, Suid-Afrika. Die dorp is in 1976 gestig. Die N2 nasionale pad gaan ongeveer 25 km vanaf Richardsbaai by die dorp verby.
Inhoud |
Geskiedenis [wysig]
Richardsbaai is in 1879 vir die eerste keer as hawe gebruik tydens die Anglo-Zoeloe-oorlog toe sir Frederick Richards, kommodoor van die Kaapse vlootstasie, voorrade binne die baai afgelaai het vir die landsmagte wat teen die Zoeloes geveg het. Alhoewel die Zoeloes se naam Cwebeni (by die lagune) vir die dorp is, het dit bekend geraak as Richardsbaai na sir Frederick se landing.
Die hawe [wysig]
Daar was verskeie ondersoeke na Richardsbaai se hawepotensiaal; die finale besluit is eers in die 1960's geneem om 'n diepseehawe te ontwikkel. Die hawe is spesifiek vir die hantering van massavrag soos steenkool en antrasiet gebou en is in 1976 voltooi. Daar was ook 'n nuwe spoorlyn gebou wat die dorp met die Gauteng verbind het. Later is ook 'n pyplyn gebou vanaf die aanlêplek van die tenkskepe tot in Gauteng. Die vermoë van die hawe was aanvanklik om vaartuie van 190 000ton te kon hanteer.
Die meer [wysig]
Richardsbaai self is 'n soutwaterlagune van 3 500ha waar 'n geweldige aantal watervoëls, asook seekoeie en krokodille tuis is. In die lagune het die jagter John Dunn in 1891 die grootste krokodil (6.7m) geskiet wat ooit in Suid-Afrika aangeteken is. Ook uit hierdie lagune het Huberta, die swerwende seekoei, in 1928 haar lang reis langs die ooskus aangepak. Die slagting van diere hier het egter so toe geneem dat die owerhede moes ingryp. In 1935 is die Richardsbaai-natuurreservaat geproklameer en in 1943 is die dit deur die Richarsbaaipark gevolg. Die dorp is nou ook bekend as 'n bekende vakansiebestemming. Daar is ook 'n berm oor die lagune gebou om 'n deel daarvan te bewaar.
Infrastruktuur [wysig]
Omrede Richardsbaai 'n relatiewe nuwe stad is, is die stad en toegangspaaie goed beplan. Daar is ook 'n lughawe buite die stad wat dit met stede soos Johannesburg en Durban verbind. Die ontwikkeling van die hawe het ook verskeie swaar nywerhede na die dorp gelok. Dit sluit Alusaf, 'n aluminiumsmeltery in. Daar is ook 'n kunsmisfabriek, pulpmeule en houtspaanderaanleg. Daar word ook groot neerslae titaan noord en suid van die baai gemyn.
Sien ook [wysig]
Bron [wysig]
-
Die SAR Klas 7E3 Series 2 staan op Richardsbaai.
-
Die SAR Klas 35-200 op Richardsbaai se koolterminaal.
