Klein Antille
Die eilande van die Karibiese See, wat ook gesamentlik as die Wes-Indiese Eilande bekendstaan, word volgens grootte en ligging gerangskik in die Bahamas (of Lucayan argipel), die Klein Antille en die Groot Antille. Die Klein Antille is die Amerikaanse Maagde-eilande, die Britse Maagde-eilande, Anguilla, die eiland Sint Maartin, wat bestaan uit Saint-Martin aan die noorde kant en die Sint Maarten aan die suide kant, Saba, Sint Eustatius, Saint-Barthélemy, St. Kitts en Nevis, Antigua en Barbuda, Montserrat, Guadeloupe, Dominica, Martinique, St. Lucia, Barbados, St. Vincent en die Grenadines, Grenada, Trinidad en Tobago, Bonaire, Curaçao en Aruba. Die Klein Antille bestaan meestal uit jong vulkaniese of koraaleilande, anders as die Groot Antille, wat uit kontinentale rots bestaan.
Die Klein Antille het duidelike strategiese belang as die poort tot die Amerikas en in die tydperk toe seemag 'n land se mag gedefinieer het, was die eilande slagvelde vir verskeie imperiale magte, in besonder Spanje, Frankryk, die Nederland en die Verenigde Koninkryk. Die eilande is aanvanklik vir hulle eie hulpbronne ontgin, maar het later as die hoof vasmeer punte vir skepe wat tussen Europa en die Nuwe Wêreld geseil het gedien. Met die opkoms van kommersiële lugrederye het die startegiese waarde van die eilande stadigaan verminder.
Die eilande kan in kontras gebring word met die Groot Antille.
[wysig] Bronne
- Rogonzinski, Jan. A Brief History of the Caribbean. New York: Facts on File, 1992.
