Kokerboom
| Kokerboom | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Aloe dichotoma Masson |
Die kokerboom (Aloe dichotoma) is nie 'n boom in die engere sin van die woord nie, maar 'n vetplant wat tot die aalwyne (familie Asphodelaceae) behoort. Die aalwyne is 'n Afrika-genus van vetplante of sukkulente waarvan net enkele tot bome kan uitgroei. Die kokerboom kom in woestyn- en halfwoestyngebide voor in die droë noordooste van die Karoo in Suid-Afrika (onder andere by Brandvlei) en die suide van Namibië, onder andere in die Tuin van die gode by Keetmanshoop.
Hierdie bome is klein met 'n kenmerkende dik stam en 'n digte, geronde kroon. Die blare is tipies van 'n vetplant, vlesig en sag wat sap afgee wanneer dit fyngedruk word, en het 'n blougroen of geelgroen kleur. Soos ander aalwynplante het die blare 'n rand met klein, geelbruin tande. Kokerbome dra heldergeel blomme wat in are bo die blaarroset gedra word. Die boom se vrug is in die vorm van 'n kapsule.
[wysig] Sien ook
[wysig] Bronnelys
- Braam van Wyk, Piet van Wyk: Identifiseer die bome van Suider-Afrika (2008). Struik Uitgewers. ISBN 978-1-770007-730-0.
