Mieliepap

in Wikipedia, die vrye ensiklopedie
Spring na: navigasie, soek
Mieliepap

Mieliepap is 'n eg Suid-Afrikaanse gereg wat van growwe mieliemeel gemaak word. Afrikaners in die noorde van die land eet dit gewoonlik vir ontbyt saam met melk en suiker, of as bygereg tydens ander etes. Dit is veral gesog as bygereg saam met braaivleis en word met 'n pikante sous soos tamatie en uie, tjakalaka of kaas en sampioene bedien.

Mieliepap word hoofsaaklik deur die inheemse swart bevolking en die Afrikaners genuttig, en nie soseer deur dié van engelse of asiatiese afkoms nie.

In die Kaapprovinsies word dit byna uitsluitlik vir ontbyt geëet.

Aangesien mieliemeel redelik goedkoop is, word pap deur behoeftige mense as stapelvoedsel gebruik, en met groente, sous of 'n vetjie genuttig.

Resep[wysig]

Die bestanddele is 2 koppies water en een teelepel sout vir elke 1 koppie mieliemeel. Die water moet eers goed kook alvorens die mieliemeel ingegooi word. Roer af-en-toe (elke 15 minute) tot gaar. Die geheim is om dit vir minstens 30 minute stadig te laat stoom oor lae hitte, sonder om te veel aan te brand. Vir ekstra geur kan botter of ingelêgde heel mieliepitte ook bygevoeg word.

Vorme[wysig]

  • Stywepap (mees algemeen)
  • Slappap (vir ontbyt)
  • Krummelpap of phutupap gewoonlik met braaivleis