Real

in Wikipedia, die vrye ensiklopedie
Spring na: navigasie, soek
100 reais
50 reais

Die Brasiliaanse Real (Portugees: Real Brasileiro, meervoud: reais) is die geldeenheid van Brasilië. Een real is 'n honderd centavos.

Die naam real verwys na die Portugese woord vir koninklik.

Munte in sirkulasie is: 1, 10, 25, 50 centavos en 1 real. Die papiergeld is beskikbaar in 1, 2, 5, 10, 20, 50 en 100 real.

Die eerste geldeenheid wat in Brasilië gebruik is vanaf 1624 was die gulde, tydens die besetting van Brasilië deur Nederland. Die réis (meervoud van real) (BRD) word al vanaf 1654 as geldeenheid in Brasilië gebruik en was die eerste ware Brasiliaanse geldeenheid sedert 1690.

As gevolg van inflasie is die mil-réis (BRM) in 1846 in gebruik geneem. Mil-réis beteken duisend real. Die mil-réis is deur die cruzeiro in 1942 vervang in 'n 1:1 verhouding, alhoewel die mil-réis nog tot in 1955 in gebruik was. As gevolg van hoë inflasie is daar telkens nuwe munte bekendgestel, in 1967 is die nuwe cruzeiro (BRB) met 'n omruilverhouding van 1000:1 bekend gestel, daarna in 1986 is die cruzado (BRC) met 1000:1 ruilverhouding bekend gestel, in 1989 is die nuwe cruzado (BRN) met 1000:1 verhouding bekend gestel, in 1990 is die cruzeiro (BRE) met 'n 1:1 verhouding bekend gestel, in 1993 is die cruzeiro real (BRR) met 'n 1000:1 verhouding bekend gestel en uiteindelik in 1994 is dit met die real (BRL/986) met 'n verhouding van 2750:1 vervang.

Sedertdien het Brasilië 'n meer stabiele geldeenheid. Die eenheid is ook in 1994 aan die dollar gekoppel, alhoewel die koppeling sedertdien stapsgewys hersien is (gedevalueer) met die verloop van tyd.

Eksterne skakel[wysig]

Commons-logo.svg
Wikimedia Commons het meer media verwant aan:
Real (kategorie)