Natriumbromied

Eienskappe

Algemeen
Naam	Natriumbromied
Struktuurformule van
Chemiese formule	NaBr
Molêre massa	102,89 g/mol
CAS-nommer	7647-15-6
Voorkoms	Kleurlose of wit vaste stof
Reuk	geen
Fasegedrag
Selkonstantes	a=593 pm
Ruimtegroep	Fm3m
Nommer	225
Strukturbericht	B1
Smeltpunt	755 °C
Kookpunt	1390 °C
Digtheid	3,2 [g/cm3 @ 25 °C
Oplosbaarheid	946 [g/L] @ 25 °C
Suur-basis eienskappe
pKa	geen
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Natriumbromied is 'n verbinding van natrium en broom met formule NaBr. Dit is 'n sout van die suur waterstofbromied (HBr) en die basis natriumhidroksied (NaOH).

Dit is 'n kleurlose of wit materiaal wat diamagneties en elektries isolerend is. Die bandgaping is direk maar taamlik breed (4,09 eV)

natriumbromied word uit seewater en ander bogrondse en ondergrondse waters verkry. Die sout word gebruik in vloeistowwe wat in die olie- en gaseksplorasie gebruik word. In kragstasies wat steenkool verbrand word dit gebruik om kwikdamp af te vang. Dit vind ook in watersuiwering toepassing

Die sout is in die 19de en vroeë 20ste eeu toegepas teen epilepsie, maar vandag word dit net by honde en katte soms nog gebruik.

Eienskappe

By indamping van 'n versadigde oplossing van natriumbromied word 'n hidraat NaBr.2H₂O gevorm. Hierdie hidraat het by kamertemperatuur 'n waterdampdruk van 0,34 relatief teenoor water. Dit is die enigste bekende hidraat.

As chloorgas deur 'n oplossing van natriumbromied gevoer word, tree 'n redoksreaksie op:

$Cl_{2}+2Br^{-}\rightarrow Br_{2}+2Cl^{-}$

Die chloor oksideer die bromiedione tot die element broom. Hierdie reaksie kan gebruik word om uit seewater broom te verkry. By verdamping slaan eers tafelsout NaCl neer. As dit verwyder is, bly 'n oplossing oor waarin bromide gekonsentreer is. Behandeling met chloor stel broom vry.