Abraham Erasmus van Wyk

in Wikipedia, die vrye ensiklopedie
Jump to navigation Jump to search
Abraham Erasmus van Wyk
Gebore 1952 (66–67 jaar oud)
Wolmaransstad, Suid-Afrika
Instelling(s) Kurator van die HGWJ Schweickerdt Herbarium
Alma mater Universiteit van Pretoria
Ander akademiese adviseur(s) Hannes Robbertse
Pieter Kok
Bekend vir Taksonomie van plante
Webblad Prof van Wyk

Abraham Erasmus van Wyk, ook bekend as Braam van Wyk (1952, Wolmaransstad) is 'n Suid-Afrikaanse planttaksonoom. Hy is verantwoordelik vir die opleiding van 'n beduidende persentasie van die aktiewe planttaksonome in Suid-Afrika en het ook die eerste mobiele toep vir die identifikasie van bome in Suider-Afrika geproduseer.[1]

Biographie[wysig | wysig bron]

Van Wyk is in 1952 in Wolmaransstad, Noordwes provinsie, Suid-Afrika gebore en het op 'n mielie- en beesplaas grootgeword.[2] In 1973 het hy 'n BS (Plantkunde, Dierkunde, Fisiologie) (met ondeskeiding) aan die Potchefstroomse Universiteit vir Christelike Hoër Onderwys (PCHO) behaal, gevolg deur 'n BS (Hons) (met ondeskeiding) in 1974, 'n Hoëronderwysdiploma (met ondeskeiding) in 1976 en 'n MS (Plantkunde) (met ondeskeiding) in 1977 (onder toesig van DJ Botha).[2] Hy het aan die Universiteit van Pretoria sy doktorsgraad in plantkunde behaal met 'n proefskrif oor die klassifikasie van die genus Eugenia (Myrtaceae) in suidelike-Afrika ("Contributions towards a new classification of Eugenia L. (Myrtaceae) in southern Africa").

Sedert 1977 werk hy met die departement van plantkunde van die Universiteit van Pretoria, waar hy in 1989 as professor in plantkunde aangestel is en as kurator van die H.G.W.J. Schweickerdt Herbarium van die universiteit aangestel is.[1][3]

Hy het talle akademiese en openbare lesings en kursusse aangebied oor 'n verskeidenheid plantkundige onderwerpe. Hy het ook gereeld bygedra tot die Suider-Afrikaanse Botaniese Diversiteitsnetwerk-projek (SABONET).[2] Van Wyk geniet dit on plantkunde toeganklik vir die publiek te maak en het deelgeneem aan 'n weeklikse wetenskapsprogram op radio vir 18 jaar.[4]

Van Wyk het die volgende kursusse aan die Universiteit van Pretoria in 2012 aangebied: BOT 251 Suider-Afrikaanse flora en plantegroei, BOT 366 Plantdiversiteit, BOT 741 Planttaksonomie, BOT 742 Plantklassifikasie en ZEN 809 Biogeografie en makro-ekologie.[4]

Navorsingsprojekte[wysig | wysig bron]

Van Wyk se navorsingsprojekgebiede sluit in Myrtaceae, Celastraceae, Icacinaceae, Chenopodiaceae en Araceae en word uitgevoer in KwaZulu-Natal, Pondoland, Maputaland, Sekhukhuneland en die noordoostelike Drakensberge. Sy navorsing fokus op morfologie, anatomie, stuifmeelanalise, ontwikkelingsbiologie, voortplantingsbiologie en biogeografie.[3]

Myrtaceae
Myrtaceae  
Celastraceae
Celastraceae  
Icacinaceae
Icacinaceae  
Araceae
Araceae  

Publikasies[wysig | wysig bron]

Van Wyk het dikwels met sy nagraadse studente in 'n aantal botaniese subdissiplines gewerk, insluitende anatomie, biografie, bibliografie, taksonomie, nomenklatuur, embriologie, fytogeografie, palinologie, voortplantingsbiologie, fytososiologie, sistematiek, floristiesme en ekologie.[2] Hy het meer as 390 werke op plantkunde van Suider-Afrika geskryf (of mede-outeur), insluitend die volgende boeke:

  • Field Guide to Wild Flowers of the Highveld (Veldgids vir wilde blomme van die Hoëveld)[5]
  • Field Guide to Trees of Southern Africa (Veldgids vir Bome van Suidelike Afrika)[6]
  • A Photographic Guide to Wild Flowers of South Africa ('n Fotografiese Gids vir Wilde Blomme van Suid-Afrika)[7]
  • How to Identify Trees in Southern Africa (Hoe om bome in Suider-Afrika te identifiseer)[8]
  • Aloes of Southern Africa (Aloe van Suidelike Afrika)[9]
  • Photo Guide to Trees of Southern Africa (Foto Gids vir Bome van Suidelike Afrika)[9]

Toekennings en erkenning[wysig | wysig bron]

  • Die joernaal Flowering Plants of Africa het volume 65 (Junie 2017) toegewy aan Van Wyk.[10]
  • Die spesie Aloe braamvanwykii is in sy eer genoem.
  • Silwer Medalje vir Plantkunde van die Suid-Afrikaanse Vereniging van Plantkundiges[4]
  • 'Allen Dyer'-toekenning van die Suid-Afrikaanse Sukkulente Vereniging
  • Havengaprys vir lewenswetenskappe van die Suid-Afrikaanse Akademie vir Wetenskap en Kuns
  • Uitsonderlike akademieseprestasieprys van die Universiteit van Pretoria

Die standaard skrywerafkorting A.E.van Wyk word gebruik om Abraham Erasmus Van Wyk as die skrywer aan te dui wanneer 'n botaniese naam genoem word.

Verwysings[wysig | wysig bron]

  1. 1,0 1,1 Abraham Erasmus van Wyk | Alumni (Engels). North West University (nwu.ac.za). URL besoek op 24 April 2019.
  2. 2,0 2,1 2,2 2,3 (March 2002) “Braam van Wyk—Botanist Extraordinaire and Silver Medallist of the South African Association of Botanists” (in Engels). SABONET News 7 (1): 79-80. Besoek op 24 April 2019.
  3. 3,0 3,1 Prof. Braam van Wyk (Engels). Universiteit van Pretoria Departement Plankunde. Argief geskep van die oorspronklike op 13 Oktober 2008. URL besoek op 24 April 2019.
  4. 4,0 4,1 4,2 Prof. Braam (AE) van Wyk (Engels). Universiteit van Pretoria (2019). URL besoek op 24 April 2019.
  5. Van Wyk, Braam; Malan, Sasa (1997). Field Guide to the Wild Flowers of the Highveld: Also Useful in Adjacent Grassland and Bushveld (in Engels). New Holland Publishers, Limited. p. 352. ISBN 9781868720583. Besoek op 24 April 2019.
  6. van Wyk, Braam; van Wyk, Piet (2013). Field Guide to Trees of Southern Africa (in Engels) (PDF uitg.). Cape Town: Random House Struik (Pty) Ltd. ISBN 9781775841050. Besoek op 24 April 2019.
  7. van Wyk, Braam (2000). A Photographic Guide to Wild Flowers of South Africa (in Engels). South Africa: Penguin Random House. p. 144. ISBN 9781868723904. Besoek op 24 April 2019.
  8. van Wyk, Braam; van Wyk, Piet (2007). How to Identify Trees in Southern Africa (in Engels). South Africa: Penguin Random House. p. 184. ISBN 9781770072404. Besoek op 24 April 2019.
  9. 9,0 9,1 Braam van Wyk (Engels). International Publishers Marketing. Argief geskep van die oorspronklike op 13 Junie 2011. URL besoek op 24 April 2019.
  10. (June 2017) “Dedication to Abraham Erasmus Braam van Wyk” (in Engels). Flowering Plants of Africa 65. Besoek op 24 April 2019.

Eksterne skakels[wysig | wysig bron]