Mango-agtiges

Anacardiaceae
Wetenskaplike klassifikasie
Koninkryk: Plantae (klade): Angiosperms (klade): Eudicots (klade): Rosids Orde: Sapindales Familie: Anacardiaceae (R.Br.) Lindl. (1831)
Tipegenus
Anacardium
Genera
Sien teks.

Die mango-agtiges (Anacardiaceae) is 'n familie van plante wat hoort tot die orde Sapindales. Hierdie familie is redelik groot en kom in die warmer dele van die wêreld voor. Dit sluit 'n paar bekende spesies in, onder andere die peperboom (Schinus molle). Ander spesies is die kasjoe- en pimperneur en die veselperske. By party plante kom die manlike en vroulike blomme afsonderlik voor. Party spesies bevat 'n uiters giftige sap bv. die Poison Ivy en die Pynbos (Smodingium argutum).

Daar is 500 spesies wat wêreldwyd aan die familie behoort en 80 spesies kom plaaslik voor waarvan 70 bome is.

Afrika boom-spesies

Van die Suid-Afrikaanse spesies is:

• Afrikaharpuisboom Ozoroa reticulata
• Bergkaree Searsia leptodictya
• Bosveldharpuisboom Ozoroa paniculosa
• Bostaaibos Rhus chirindensis
• Dikbas Lannea discolor
• Dwerg stompblaartaaibos Searsia rehmanniana
• Gewone kraaibessie Searsia pentheri
• Karee Searsia lancea
• Kliphout Heeria argentea
• Maroela Sclerocarya birrea
• Namibharpuisboom Ozoroa crassinervia
• Nanabessie Rhus dentata
• Rooiboekenhout Protorhus longifolia
• Suurkaree Rhus ciliata
• Teerhout Loxostylis alata
• Treurharpuisboom Ozoroa engleri
• Valsmaroela Lannea schweinfurthii
• Veselperske Mangifera indica
• Wildepruim Harpephyllum caffrum
• Witkaree Searsia pendulina

Nie Afrika spesies

• Brasiliaanse peperboom Schinus terebinthifolius
• Peperboom Schinus molle

• 

  Maroela

• 

  Rooiboekenhout

• 

  Wildepruim

• 

  Veselperskes

Struik-spesies

• Duinekraaibessie Rhus crenata

Sien ook

• Alfabetiese lys van Suid-Afrikaanse bome

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• Watter Boom is dit? Eugene Moll 2013 ISBN 978 1 77007 832 1