BAE Systems Hawk

in Wikipedia, die vrye ensiklopedie
Jump to navigation Jump to search
Hawk
Bae hawk t1 xx245 inflight arp.jpg
'n Britse BAE Hawk T1 opleidingsvliegtuig
Tipe Opleidingsvliegtuig
Vervaardiger Hawker Siddeley (1974–1977)
British Aerospace (1977–1999)
BAE Systems
Nooiensvlug 21 Augustus 1974
Vrygestel 1976
Status In diens
Hoofgebruikers Britse Koninklike Lugmag
Indiese Lugmag
Finse Lugmag
Koninklike Australiese Lugmag
Vervaardig 1974-huidig
Aantal gebou 1 000+
Eenheidskoste £18 miljoen (2003)
Weergawes T-45 Goshawk

Die BAE Systems Hawk is 'n Britse enkelmotorige, straleraangedrewe gevorderde opleidingsvliegtuig. Dit het die eerste keer op Dunsfold, Surrey, in 1974, as die Hawker Siddeley Hawk gevlieg, en daarna deur sy opvolgermaatskappye, British Aerospace asook BAE Systems. Dit word in 'n opleidingskapasiteit en as 'n laekoste vegvliegtuig gebruik.

Operateurs van die Hawk sluit in die Britse Lugmag (Royal Air Force), veral die "Red Arrows" vertoonspan, en 'n groot aantal buitelandse militêre operateurs. Die Hawk is steeds in produksie in die Verenigde Koninkryk en onder lisensie in Indië deur Hindustan Aeronautics Limited (HAL) en meer as 900 Hawks is reeds aan 18 operateurs dwarsoor die wêreld verkoop.

Oorsese verkope[wysig | wysig bron]

Finland[wysig | wysig bron]

In Januarie 1978 het Brittanje en Finland aangekondig dat 'n ooreenkoms bereik is om 50 Hawk Mk. 51s aan die Finse Lugmag te verskaf in 1980; [1] Hierdie vliegtuie word in Finland onder lisensie deur Valtion lentokonetehdas gebou. Die Finse Lugmag se operasies was beperk tot 60 eerste-linie vegvliegtuie deur die Vredesverdrag van Parys in 1947. Deur die verkryging van die Hawks, wat as opleiers eerder as vegters gereken is, kon kapasiteit verhoog word sonder om die verdrag te verbreek. Hierdie verdrag is egter nietig verklaar met die verbrokkeling van die Sowjetunie.[2]

Sewe bykomende Mk. 51As is in 1993-1994 afgelewer om te vergoed vir sommige verliese. In Junie 2007 het Finland 18 gebruikte Hawk Mk. 66s van die Switserse Lugmag gekoop vir € 41 miljoen; hulle is afgelewer in 2009-2010.[3] Die Finse Hawks is na berig gewapen met Russiese Molniya R-60/AA-8 lug-tot-lug missiele.[4][5] Die Finse Lugmag se kunsvliegspan, die Midnight Hawks, gebruik ook die vliegtuig.[6]

As gevolg van stygende vlakke van metaaltamheid, sal 41 uit 67 van Finland se totale Hawkvloot uit diens geneem word tussen 2012-2016; die oorblywende vliegtuie is jonger en daar word verwag dat hulle tot in die 2030's sal vlieg.[7][8] In 2011 het Finse Mk. 51s en Mk. 66s opgraderings ondergaan, insluitend 'n nuwe Patria Cockpit 2000 "glaskajuit" en nuwe sagteware.[9]

Indië[wysig | wysig bron]

Op 23 Februarie 2008 tree die Hawk Mk. 132 formeel in diens by die Indiese Lugmag (ILM),[10] na een van die mees uitgerekte aankooptransaksies in Indië se geskiedenis. Twee dekades het verloop tussen die aanvanklike belangstelling en kontrakondertekening op 26 Maart 2004. Die ILM het 24 vliegtuie direk van BAE Systems ontvang met aflewerings wat in November 2007 'n aanvang geneem het, en 'n verdere 42 Hawks gemonteer deur Hindustan Aeronautics Limited (HAL) tussen 2008 en 2011.[11]

In Februarie 2008 het Indië beplan om nog 57 Hawks te bestel, met 40 wat aan die Indiese Lugmag sou gaan en die oorblywende 17 aan die Indiese Vloot.[12][13] In Julie 2010 is aangekondig dat die ILM en die Vloot die bykomende 57 vliegtuie sal ontvang. [14] Die bykomende vliegtuie sou in Indië gebou word deur Hindustan Aeronautics, steeds onder lisensie van BAE.[15] Op 10 Februarie 2011 het Hindustan Aeronautics Beperk en GE Aviation 'n kontrak onderteken ingevolge waarvan GE Aviation vir die volgende 30 jaar die onderhoud op Indië se Hawkvloot sal uitvoer .[16] Die ILM was glo ontevrede met die voorsiening van ruilonderdele,[17] en in Desember 2011 het BAE 'n kontrak ontvang om Indië te voorsien van onderdele en grondrugsteun. [18]

Irak[wysig | wysig bron]

Gedurende die 1980's het die Britse regering die beplande verkoop van 63 Hawk opleidingsvliegtuie aan Irak oorweeg. [19] Hoewel daar heelwat positiewe gevoel was, was die voorstel omstrede omrede Irak die Hawk in grondaanvalle teen hul naburige Iran kon aanwend en ook Irak se eie Koerdiese bevolking daarmee onderdruk;[20] daar was ook kommer dat die Hawk potensieel met chemiese wapens bewapen kon word. Ná vele beraadslagings is die verkoopstransaksie egter afgekeur.[21] In 2010 het Irak weer gesprekke met BAE aangeknoop vir die bestelling van tot 21 Hawks. [22]

Saoedi-Arabië[wysig | wysig bron]

Saoedi-Arabië het reëlings getref om die Hawk onder die Al-Yamamah wapentransaksie met Brittanje te verkry; 'n totaal van 50 Hawk Mk. 65/65A is verkry op twee bestellings in 1985 en 1994.[23] In Augustus 2012 is 'n transaksie van ongeveer VS$ 800 miljoen vir 22 Hawk 'Gevorderde opleidingsvliegtuie' aangekondig, om die ouer modelle van die Hawk in die Koninklike Saoedi Lugmag te vervang.[23] Die Saudi's het ook 'n demonstrasiespan wat met Hawks vlieg.[23]

Suid-Afrika[wysig | wysig bron]

In 1993 is gesprekke tussen BAE en Denel Aviation van Suid-Afrika begin oor 'n plaasvervanger vir die Suid-Afrikaanse Lugmag (SALM) se verouderde Atlas Impala-vloot.[24] Teen 2004 het Denel met die bou van die Hawks onder lisensie van BAE begin. Komponente is ook deur Denel vervaardig vir ander kliënte van die vliegtuig.[25] Op 13 Januarie 2005 het die eerste plaaslikgemonteerde Hawk sy nooiensvlug onderneem. Dit was deel van 'n groep van 24 opleidingsvliegtuie wat deur die SALM bestel is.[26]

Zimbabwe[wysig | wysig bron]

In die 1980's is 12 BAE Hawk T.Mk. 60/60As aangekoop vir die Lugmag van Zimbabwe; die aankoop is ondersteun deur 'n £35 mijoen-lening van die Verenigde Koninkryk aan Zimbabwe.[27] Die Hawk-transaksie het ook die oordrag van 'n aantal tweedehandse Hawker Hunters ingesluit.[28] In Julie 1982 is minstens een Hawk op die grond vernietig en drie erg beskadig tydens 'n aanval van andersdenkendes op Thornhill Lugmagbasis, Gweru.[29]

Zimbabwe se Hawks is gedurende die Tweede Kongo-Oorlog gebruik. Talle lugaanvalle is ter ondersteuning van die Kongolese weermag uitgevoer teen Rwandese, Ugandese en rebellemagte in 1998-2000.[30] In 2000 het die omstredenheid oor Zimbabwe se militêre ingryping in die Kongo, en sy swak menseregterekord, gelei tot Brittanje se instelling van 'n algehele wapenverbod teen dié land, insluitende onderdele vir die Hawk.[31][32] As gevolg van die verbod, het Zimbabwe daarna ses Chinese Hongdu K-8s as plaasvervangers aangekoop.[33][34]

Sien ook[wysig | wysig bron]

Verwysings[wysig | wysig bron]

  1. "Britain-Finland barter deal." The Christian Science Monitor, 6 Januarie 1978.
  2. O'Dwyer, Gerald (16 Oktober 1990). "Finland looks at German MiG-29s". Flight International. Besoek op 17 Augustus 2011.
  3. "Finland Purchases 18 Jet Trainers (Mk. 66) from Switzerland". Defense-aerospace.com. Besoek op 17 Augustus 2011.
  4. "Missile armed Hawk BAe Hawk with R-60". Sci.fi. Besoek op 17 August 2011.
  5. "Suomi hankkii lisää Hawk-hävittäjiä". Finnish Broadcasting Agency (YLE), 28 Junie 2007. (fi)
  6. "Midnight Hawks tuisblad" (in Fins). Midnighthawks.fi. 13 Augustus 2011. Besoek op 17 Augustus 2011.
  7. "PARIS AIR SHOW: Finnish air force chief accepts first upgraded Hawk jet trainer." Flight Global, 16 Junie 2009.
  8. "Finnish Air Force decommissioning 41 Hawk trainer jets." Helsingin Sanomat, 5 November 2010.
  9. Pugliese, David. "Esterline CMC Electronics Completes Upgraded Glass Cockpit Deliveries for Finnish Air Force Fleet of Hawk Jet Trainers." Ottawa Citizen, 13 Julie 2012.
  10. Kulkarni, Sagar (Februarie 2008). "AJT Hawk inducted into IAF". Besoek op 23 Februarie 2008.
  11. Sharma, Ravi (Januarie 2008). "The IAF is set to get 40 more Hawk AJTs". The Hindu. Chennai, India. Besoek op 12 Januarie 2008.
  12. Govindasamy, Siva. "India seeks extra Hawks", Flight International, 11 Februarie 2008.
  13. Luthra, Gulshan and Goel, Ashok. "IAF to buy 40 more Hawk Advanced Jet Trainers, Navy to follow with 17", India Strategic, Februarie 2008.
  14. "IAF, Navy to get 57 more Hawk jet trainers". Timesofindia.indiatimes.com. 24 Julie 2010. Besoek op 17 Augustus 2011.
  15. Amy Wilson. "BAE wins £500m Hawk order", Telegraph VK, 29 Julie 2010.
  16. "GE Aviation gets license". Pilotsandplanesmilitary.com. 10 Februarie 2011. Besoek op 17 Augustus 2011.
  17. "TOI Article – IAF plans for additional Hawks jet trainers shelved". Timesofindia.indiatimes.com. 17 Maart 2009. Besoek op 17 Augustus 2011.
  18. "BAE Systems secures £59 million Hawk AJ T spares contract from Indian government." Economic Times, 12 Desember 2011.
  19. Scott 1996, p. 560.
  20. Scott 1996, p. 564-566.
  21. Scott 1996, pp. 567, 570–571.
  22. Pfiefer, Sylvia. "Iraq in talks to buy BAE Hawk jets." Financial Times, 29 April 2010.
  23. 23,0 23,1 23,2 "Saudi catches the UK train." Arabian Aerospace, 10 Augustus 2012.
  24. Barrie, Douglas. "BAe in Hawk building talks with South Africa." Flight International, 16 November 1993. p. 4.
  25. Kampbell, Keith. "Hawk production under way in South Africa." Engineering News, 14 Januarie 2005.
  26. "First SA-assembled Hawk completes maiden flight." 14 Januarie 2005.
  27. "UK backed millions in loans for Zimbabwe jets." Jubilee Debt Campaign, 8 Mei 2012.
  28. Mitchell, Emily. "UK Arms Exports to Zimbabwe." Campaign Against Arms Trade, September 2000.
  29. Towers, Roy. ". Year Of Deepening Unease For Security Forces In Zimbabwe." Glasgow Herald, 27 Julie 1982. p. 5.
  30. "Zimbabwe military warns Goma bombings to go on". South African Press Association. 13 Mei 1999.
  31. MacAskill, Ewen. "Britain's ethical foreign policy: keeping the Hawk jets in action." The Guardian, 20 Januarie 2000.
  32. "UK halts arms to Zimbabwe." BBC News, 13 Mei 2000.
  33. "Zimbabwe buys six fighter jets." The Guardian, 14 April 2005.
  34. "Zimbabwe: 'Purchase of Jets From China Wise'." allafrica.com, 1 Julie 2005.
Hierdie artikel is in sy geheel of gedeeltelik vanuit die Engelse Wikipedia vertaal.