Bali
| Bali Inheemse naam: Pulau Bali | |
|---|---|
 Topografiese kaart van Bali | |
| Geografie | |
.svg) | |
| Ligging | Suidoos-Asië |
| Koördinate | 8°22′S 115°08′O / 8.367°S 115.133°O |
| Argipel | Klein-Soenda-eilande |
| Oppervlakte | 5 780,06 vk km |
| Hoogste punt | Berg Agung 3 031 m |
| Administrasie | |
 Indonesië | |
| Provinsie |  Bali
|
| Hoofstad | Denpasar |
| Grootste stad | Denpasar (788 445) |
| Demografie | |
| Bevolking | 3 891 428 |
| Bevolkingsgroepe | Balinese (90%), Javane (7%), Baliaga (1%), Madurese (1%)[1] |
Bali (Indonesies: Pulau Bali) is die westelikste en vyfde grootste van die Klein-Soenda-eilande (na Timor, Soembawa, Flores en Soemba) en is in die suide van die eilandnasie Indonesië geleë. Die eiland word begrens deur die Balisee in die noorde en die oop Indiese Oseaan in die suide. Bali is ook 'n provinsie van Indonesië op sy eie en die hoofstad sedert 1958 is Denpasar, die grootste stad van die Klein-Soenda-eilande; voorheen het Singaraja as hoofstad van Bali gedien. Bali is veral as 'n toeristebestemming bekend.
Bali is oos van Java en wes van Lombok geleë. In die noorde, oorkant die Balisee, lê Borneo, en verder noordoos Soelawesi. Bali het in 2010 'n bevolking van 3 891 428 gehad en beslaan 'n oppervlakte van 5 780,06 km².
Bali se geologie word gekenmerk deur baie aktiewe vulkane wat dié eiland van wes na oos gevorm het. Bali se vulkane behoort tot die Ring van Vuur wat die Stille Oseaan van Nieu-Seeland tot Chili omsirkel.
Hindoeïsme is die dominante godsdiens in Bali (83,5%), gevolg deur Islam (13,4%), die Christendom (2,5%) en Boeddhisme (0,5%).[2] Die inheemse taal van Bali is Balinees, wat oor sy eie skrif beskik.
Die Balinese kat is na die Balinese dansers genoem, maar nie van Bali of Indonesië afkomstig nie.
Terreuraanvalle
[wysig | wysig bron]- 12 Oktober 2002: 'n Reeks motorbomme ontplof in Kuta (Denpasar) met die gevolg dat 202 mense sterf en 'n verdere 209 beseer word.
Verwysings
[wysig | wysig bron]- ↑ (en) Suryadinata, Leo; Arifin, Evi Nurvidya and Ananta, Aris (2003). Indonesia's Population: Ethnicity and Religion in a Changing Political Landscape. Institute of Southeast Asian Studies. ISBN 9812302123.
{{cite book}}: AS1-onderhoud: meer as een naam (link) - ↑ (id) Penduduk Menurut Wilayah dan Agama yang Dianut (2010 Census). bps.go.id
Eksterne skakels
[wysig | wysig bron]
Wikimedia Commons het meer media in die kategorie Bali.- (en) Toerisme-inligting oor Bali op Wikivoyage
- (en) "Bali". Encyclopædia Britannica. Besoek op 24 April 2020.
- (id) Amptelike webwerf van die provinsie Bali
