Bariumhidroksied
|
Algemeen | |
|---|---|
| Naam | Bariumhidroksied |
| IUSTC-naam | Bariumhidroksied |
 | |
| Chemiese formule | Ba(OH)2 |
| Molêre massa | 171,34 [g/mol][1] |
| CAS-nommer | 17194-00-2[1] |
| Voorkoms | Wit vastestof |
| Fasegedrag | |
| Smeltpunt | 407 °C[1] |
| Kookpunt | 780 °C[1] |
| Digtheid | 4,495 g/cm3[1] |
| Oplosbaarheid | Matig oplosbaar |
| Ksp | 5 10-3[2] |
| ΔfusHɵ | 93,38 kJ[1] |
| ΔfHɵ | -944,7 [kJ/mol][1] |
|
Suur-basis eienskappe | |
| pKa | |
|
Veiligheid | |
| Flitspunt | onbrandbaar |
| LD50 | 308 [mg/kg] (rot; oraal)[3] |
|
Tensy anders vermeld is alle data vir standaardtemperatuur en -druk toestande. | |
Portaal  Chemie
| |
Bariumhidroksied is 'n sterk basis, wat 'n hidroksied van barium is. dit het die chemiese formule Ba(OH)2.
Termiese stabiliteit[wysig | wysig bron]
Die watervrye hidroksied is higroskopies en vervloei maklik wanneer dit blootgestel word aan vogtige lug. Die vorm verskeie hidrate en word dikwels verhandel as die oktohidraat BaOH.8H2O. Die oktohidraat smelt teen 78°C en verloor 5 watermolekules teen 125°C en vorm die trihidraat. Teen 180°C word die monohidraat gevorm wat soms ook die vorm is wat kommersieel verhandel word. Die watervrye hidroksied word teen 375°C vrygestel en teen 410°C vind in 'n droë inerte atmosfeer ontbinding na die oksied BaO plaas.[1]
Kristalstruktuur[wysig | wysig bron]
Die trihidraat het 'n ortorombiese struktuur (ruimtegroep =Pnma; met a = 764,0; b = 1140,3; c = 596,5 pm.)[1]
Die oktahidraat is monoklinies (P21/n met a = 927,4(2), b = 926,0(2), c = 1181,7(3)pm, β = 98.95(2)°) Barium word deur 8 suurstofatome omring in 'n effens verwringde vierkant-antiprisma.[4]
Gebruike[wysig | wysig bron]
Bariumhidroksied word in titrasies van organiese sure gebruik. In teenstelling tot oplossings van natrium- of kaliumhidroksiede bevat bariumhidroksiedoplossings geen karbonaat omrede bariumkarbonaat onoplosbaar is. [1]
Bariumhidroksied word ook as reagens in organiese sintese gebruik bv. om karboksielsure uit hulle esters vry te stel of 'n nitriel in 'n karboksielsuur te verander.[1]
Verwysings[wysig | wysig bron]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 R.C. Ropp (2013). Chapter 3 - Group 16 (O, S, Se, Te) Alkaline Earth Compounds; in: Encyclopedia of the Alkaline Earth Compounds. Elsevier. pp. 105–197. doi:10.1016/B978-0-444-59550-8.00003-X. ISBN 9780444595508.
{{cite book}}: Onbekende parameter|editors=geïgnoreer (hulp) - ↑ "Solubility Product Constants near 25 °C". University of Rhode Island.
- ↑ "sds" (PDF). Sigma.
- ↑ Sacerdoti (1990). "A redetermination of the crystal structure of barium hydroxide octahydrate Ba(OH)2 · 8 H20 M.". Zeitschrift für Kristallographie. 192: 111–118.
{{cite journal}}: AS1-onderhoud: gebruik authors-parameter (link)