Sinkhidroksied

Eienskappe

Algemeen
Naam	Sinkhidroksied
Struktuurformule van
Chemiese formule	Zn(OH)2
Molêre massa	99,39 [g/mol]
CAS-nommer	20427-58-1
Voorkoms	wit of liggrys poeier
Fasegedrag
Fase	ε-Zn(OH)2; wülfingiet.
Selkonstantes	a = 490,5(3)pm; b = 5143(4)pm; c = 847,3(2)pm
Ruimtegroep	P212121
Nommer	19
Fase	γ-Zn(OH)2
Selkonstantes	a=2307pm; b=804pm; c=330pm
Ruimtegroep	Imm2
Nommer	44
Smeltpunt	125 °C
Kookpunt
Digtheid	3,05 [g/cm3]
Oplosbaarheid	swak oplosbaar;
Ksp	3 x 10-17
Suur-basis eienskappe
pKa
Veiligheid
Flitspunt
Tensy anders vermeld is alle data vir standaardtemperatuur en -druk toestande.
Portaal Chemie

Sinkhidroksied is 'n basis van kobalt met formule Zn(OH)₂.

Van hierdie hidroksied is verskeie modifikasies bekend, waarvan drie in die natuur as mineraal aangetref word: sweetiet, ashoveriet en wülfingiet.

Kristalstruktuur

ε-Zn(OH)₂, die wülfingietfase, is die stabiele fase en kristalliseer in 'n ortorombiese kristalstruktuur wat van die ideale β-kristobaliet-struktuur afgelei is (C9 in die strukturbericht-klassifikasie). β-Be(OH)₂ het dieselfde struktuur. Die struktuur is op 'n verwronge kubiese digpakking van suurstof gebaseer, waarin een kwart van die tetraëderholtes met sinkatome gevul is. Die gevulde tetraëders is effens gedraai sodat waterstofbindings tussen hulle moontlik is.

Die β, γ, δ vorms is nie stabiel nie. Die struktuur van die γ-vorm is ortorombies en bestaan uit ZnO₄-tetraëders wat hoekpunte deel en 'n ringstruktuur met drie eenhede vorm. Die ringe is gestapel in die [001] rigting deur hoekpunte te deel.

Chemiese eienskappe

Eenkristalle van ε-Zn(OH)₂ is verkry deur sinkmetaal in 'n oplossing van ammoniak elektrochemies te oksideer.

Sinkhidroksied is 'n amfoteriese hidroksied. Sy oplosbaarheid in water word beheers deur die ewewigte:

$Zn(OH)_{2}(s)\leftrightarrows Zn(OH)^{+}(aq)+OH^{-}(aq);\quad K_{1}$

$Zn(OH)_{2}(s)\leftrightarrows Zn(OH)_{2}(aq);\quad K_{2}$

$Zn(OH)_{2}(s)+OH^{-}(aq)\leftrightarrows Zn(OH)_{3}^{+}(aq);\quad K_{3}$

$Zn(OH)_{2}(s)+2OH^{-}(aq)\leftrightarrows Zn(OH)_{4}^{+}(aq);\quad K_{4}$

$Zn(OH)_{2}(s)(aq)\leftrightarrows Zn^{2+}(aq);+2OH^{-}(aq)\quad K_{5}\quad oftewel\quad K_{sp}$

Die ewewigskonstantes is gemeet:

T (°C)	Kspx1017	K1x1011	K2x1017	K3x106	K4x102
12,4	1,42	1,12	1,66	1,12	5,70
25,0	1,74	2,54	2,62	1,32	6,47
50,0	2,34	7,70	7,02	2,56	7,92
75,0	3,16	20,2	15,0	2,74	8,99

Gebruike

Sinkhidroksied is 'n aktiewe katalisator vir α-selektiewe oordrag van allielgroepe van allielboronaatreagense na aldehiede.