Basil D'Oliveira

in Wikipedia, die vrye ensiklopedie
Jump to navigation Jump to search
Basil D'Oliveira
Volle naam Basil Lewis D'Oliveira
Gebore (1931-10-04)4 Oktober 1931
Kaapstad, Unie van Suid-Afrika
Gesterf 19 November 2011 (op 80)
Worcester, Engeland, Engeland
Bynaam(e) Dolly, Bas
Kolfstyl Regshandig
Boulstyl Mediumsnel-regshandig
Rol Veelsydige speler, afrigter
Internasionale inligting
Nasionale span Engeland
Toetsdebuut (no 432) 16 Junie 1966 v Wes-Indië
Laaste Toets 10 Augustus 1972 v Australië
EDI debuut (no 3) 5 Januarie 1971 v Australië
Laaste EDI 28 Augustus 1972 v Australië
Eersterang spaninligting
Jaar(e) Span
1960–1963 Middleton C.C.
1964–1980 Worcestershire-krieketklub
Loopbaanstatistiek
Kompetisie Toets EDI 1e rang A-lys
Wedstryde 44 4 367 187
Lopies aangeteken 2484 30 19490 3770
Kolfgemiddeld 40,06 10,00 40,26 24,96
100s/50s 5/15 0/0 45/101 2/19
Hoogste telling 158 17 227 102
Aflewerings geboul 5706 204 41079 7892
Paaltjies 47 3 551 190
Boulgemiddeld 39,55 46,66 27,45 23.56
5 paaltjies in 'n kolfbeurt 0 17 1
10 paaltjies in 'n wedstryd 0 n.v.t. 2 n.v.t.
Beste boulontleding 3/46 1/19 6/29 5/26
Vangskote/Stonkings 29/– 1/– 215/– 44/–
Bron: Cricinfo, 10 April 2008

Basil D'Oliveira (1931–2011) was ’n veelsydige bruin Suid-Afrikaanse krieketspeler. Hy het van 1966 tot 1972 in 44 toetse vir Engeland gespeel, maar weens die apartheidsbeleid nooit vir sy eie land nie. As regshandige kolwer het hy teen ’n gemiddeld van 40,06 lopies per kolfbeurt 2 484 toetslopies aangeteken. As mediumsnel-regsbouler het hy 47 toetspaaltjies ingeoes. In sy eersterangse loopbaan van 1964 tot 1980 het hy altesame 19 493 lopies aangeteken en 551 paaltjies geneem. Sy insluiting in ’n Engelse toerspan na Suid-Afrika het in 1976 tot die afgelasting van dié toer, ná heftige beswaar teen sy insluiting deur die destydse Suid-Afrikaanse eerste minister, John Vorster, gelei.[1]

Lewensloop[wysig | wysig bron]

Basil Lewis D'Oliveira is op 4 Oktober 1931 op Seinheuwel in Kaapstad in die destydse Unie van Suid-Afrika gebore.[2][3] As jong seun het hy in die bome buite die Nuweland-krieketveld geklim om na die wedstryde te kyk. Hy was later die kaptein van Suid-Afrika se nie-blanke krieketspan, en het ook vir Suid-Afrika se nie-blanke nasionale sokkerspan uitgedraf.[4]

Hy emigreer in 1960 na Engeland en sluit in 1964 by die Worcestershire-krieketklub aan. In 1966 is hy vir die Engelse nasionale krieketspan gekies. In 1968 besef Suid-Afrikaanse krieketbeamptes dat sy insluiting in die Engelse span tot die kansellasie van die toer, en die moontlike uitsluiting van Suid-Afrika uit toetskrieket, sou lei. As gevolg van druk en om krieketbande met Suid-Afrika oop te hou, is aanvanklik besluit om hom nie te kies nie. As gevolg van Tom Cartwright se besering is D'Oliveira uiteindelik tog by die span ingesluit. John Vorster het dit egter reeds duidelik gemaak dat D'Oliveira se insluiting nie aanvaarbaar was nie. Ondanks talle onderhandelinge is die toer uiteindelik gekanselleer. Die D'Oliveira-saak het wyd publisiteit geniet en bygedra om internasionale opinie teen die apartheidsregime te draai.[5]

D'Oliveira het later in sy lewe aan Parkinson se siekte gelei.[6] Hy is op 19 November 2011 (op 80 jarige ouderdom) in Engeland oorlede.[7][8][9]

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8
  2. Obituary, New York Times, 27 November 2011
  3. Sengupta, Arunabha (4 Oktober 2013). "Basil D'Oliveira: The man who triggered the international cricket boycott of South Africa". Cricket County. Besoek op 20 Maart 2015.
  4. Thicknesse, John. "Player Profile: Basil D'Oliveira". CricInfo. ESPN. Besoek op 2009-06-11.
  5. Jon Gemmell (2004). The Politics of South African Cricket. Routledge (UK). ISBN 0-7146-5346-2.
  6. "Naomi's Story". Besoek op 4 November 2011.
  7. "England news: Basil D'Oliveira dies aged 80 | England Cricket News". ESPN Cricinfo. Besoek op 2011-11-19.
  8. "Basil d'Oliveira dies: Sport: Cricket". Sport24.co.za. Besoek op 2011-11-19.
  9. "England legend D'Oliveira dies". news.bbc.co.uk. 19 November 2011. Besoek op 2011-11-19.

Eksterne skakels[wysig | wysig bron]