Blomkoolganna

in Wikipedia, die vrye ensiklopedie
Jump to navigation Jump to search

Blomkoolganna
Wetenskaplike klassifikasie
Koninkryk:
(klade):
(klade):
(klade):
Orde:
Familie:
Subfamilie:
Tribus:
Genus:
Spesie:
C. tuberculatum
Binomiale naam
Caroxylon tuberculatum
(Thunb.) Kuntze
Sinonieme
  • Salsola tuberculata (Moq.) Fenzl

Die blomkoolganna[1] (Caroxylon tuberculatum Moq.) is 'n struik wat inheems in aan Suid-Afrika en Namibië. Dit kom die Vrystaat en die drie Kaapprovinsies voor, veral in die Droë Karoo. Dit is op die SANBI-rooilys as veilig gelys.[2]

Hierdie spesie is kenmerkend aan die veldtipe van die Droë Karoo, wat blomkoolgannaveld genoem word. Dit word hier as die klimaksplantegroei beskou. In blomkoolgannaveld kom veral die grasse Stipagrostis ciliata en S. obtusa voor. Ander struikies wat hier volop aangetref word is Aptosimum spinescens, Dicoma capensis, Eriocephalus spinescens, Hermania spinosa, Lycium oxycladum, Nestleria humilis, Pentzia spinescens, Pteronia glomerata, Rhigozum trichotomum, Ruschia ferox, Salsola glabrescens en Zygophyllum microphyllum. Hier kom ook Geigeria ornativa voor.[3]

Landbou[wysig | wysig bron]

EIW SWIW LnregWIW
Weidingsindekswaarde[4] 7 6.9 3.5

Oor die algemeen is Salsola (Caroxylon)-beweiding goed, maar die spesie Salsola tuberculata var. tomentosa, wat soms as 'n eie spesie S. tuberculatiformis gesien word, kan grootlamsiekte veroorsaak,[5] wat die lengte van die dratyd verleng en tot moeilike bevallings lei.[6] Boesmans het tee daarvan gemaak as voorbehoedmiddel en dié werking is in rotte aangetoon.[7]

Eksterne skakel[wysig | wysig bron]

Verwysings[wysig | wysig bron]

  1. ook:blomkoolbossie, blomkoolgannabossie, blomkoolpol, koolganna, koolpol
  2. "SANBI-rooilys" (in Engels). Geargiveer vanaf die oorspronklike op 20 September 2015.
  3. "biome-explorer". Geargiveer vanaf die oorspronklike op 28 Junie 2016.
  4. P C V du Toit Objektiewe weidingsindekswaardes van Nama-Karoo plantegroei: grasse en bossies van die Karoo.
  5. Gifplante: Dier se liggaam word so aangetas, Charl van Rooyen.
  6. medical dictionary.
  7. " Diagrammatic summary of the investigation into the biological activity of S. tuberculatiformis Botsch. Researchgate" (in Engels). Geargiveer vanaf die oorspronklike op 15 Januarie 2017.