Bob Denard

in Wikipedia, die vrye ensiklopedie
Jump to navigation Jump to search

Robert ("Bob") Denard (Grayan-et-l'Hôpital, 7 April 1929 - Parys, 13 Oktober 2007) was 'n bekende Franse huursoldaat wat betrokke was by talle Afrika-konflikte en vier staatsgrepe in die Comore-eilande uitgevoer het. Vir die skrywer skrywer Frederick Forsyth was Denard die groot bron van inspirasie tydens die skryf van die besverkoper The Dogs of War.

Lewensloop[wysig | wysig bron]

Denard was die seun van 'n Franse soldaat en het op die ouderdom van 16 by die weermag aangesluit. Hy het gedien in die Franse Mariniers in Indo-China totdat hy betrokke was by 'n vuisgeveg in 'n kroeg in Saigon, en afgedank is. Hy was ook 'n lid van die koloniale polisie in Marokko vanaf 1952 tot 1956. Hy was toe vir 'n jaar gevange geneem weens 'n sameswering teen premier Pierre Mendes France, wat 'n onafhanklike Marokko bepleit het en deur die regsgesindes in Frankryk gehaat was weens Frankryk se ontrekking uit Indo-China. Hy het toe tydens die Algerië-oorlog vir die Franse intelligensiediens gewerk.

Hy begin sy loopbaan as huursoldaat in Katanga, waarskynlik in Desember 1961. Denard noem homself 'n kolonel en lei 'n groep huursoldate wat as gevolg van die meedoënlose vegmetodes, Les Affreux, die verskriklikes genoem word.[1] Na die bewind van Moïse Tshombe geval het, het die groep na Portugese Angola gevlug. Denard was toe betrokke by konflikte in Rhodesië, Jemen, Iran, Nigerië, Benin, Angola, Zaïre en die Comore-eilande. Sy optrede agter die skerms is gewoonlik ondersteun deur die Franse intelligensiediens. Weens die aanhitsing van die presidensiële adviseur Jacques Foccart is Frankryk deur militêre ingryping in die voormalige Franskoloniale Ryk voorberei om 'n voorkeur regime te ondersteun of 'n onaanvaarbare regime omver te werp.

In Junie 2006 is Denard, wat destyds reeds aan Alzheimersiekte ly, skuldig bevind aan sy betrokkenheid in 'n staatsgreep in die Comore-eilande. Omdat die Franse owerhede bewus was dat die staatsgreep gepleeg sou word, is Denard nie gestraf nie. In appèl is hy egter in Julie 2007 tot vier jaar tronk toe gestuur, waarvan drie jaar opgeskort was.

Sy suster het sy dood op 14 Oktober 2007 aangekondig. Bob Denard, wat 78 jaar oud was, het agt kinders gehad van sewe poligame huwelike.

Literatuur[wysig | wysig bron]

• Samantha Weinberg: Last of the pirates ; in search of Bob Denard. London, 1994. ISBN 0224033077

Verwysings[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.