Boskoorsboom

Boskoorsboom
Bewaringstatus
	; Veilig (IUCN 2.3)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Asterids
Orde:	Gentianales
Familie:	Gentianaceae
Genus:	Anthocleista
Spesie:	A. grandiflora
Binomiale naam
	Anthocleista grandiflora; Gilg, (1893)
Sinonieme
	Anthocleista insignis Galpin; Anthocleista keniensis Summerh.; Anthocleista orientalis Gilg; Anthocleista pulcherrima Gilg; Anthocleista scheffleri Gilg ex G.Scheffler; Anthocleista zambesiaca Baker;

Die boskoorsboom (Anthocleista grandiflora) is 'n immergroen boom wat in die Laeveld van Suid-Afrika voorkom. Dit is ook inheems in Burundi, Comore-eilande, Demokratiese Republiek die Kongo, Eswatini, Kameroen, Kenia, Malawi, Mosambiek, Caprivistrook in Namibië, Rwanda, Soedan, Tanzanië, Uganda, Zambië en Zimbabwe.

Die boom is hoog, skraal, hoog op vertak en word tot 30 m hoog. Dit groei in bergwoudrande, beskutte klowe en rivieroewers. Die bas is liggrys en glad. Die blare is enkelvoudig, baie groot en aan takpunte saamgebondel. Hulle voorkoms is glansend donkergroen aan die bokant en ligter onder. Die vrug is 'n groen bessie ongeveer so groot soos 'n druiwekorrel. Vrugtevlermuise, loeries en neushoringvoëls vreet graag die vrugte. Die blomme is roomwit, tulpvormig en ruik na jasmyn. Blomme word gedra as vertakte, eindstandige trosse van September tot Januarie.

Galery

'n Boskoorsboom
Bloeisels

Sien ook

Alfabetiese lys van Suid-Afrikaanse bome

Bronnelys

Natuurlewe van Suid-Afrika. Duncan Butchart. Struik Nature. 2012 ISBN 978-1-4317-0248-0
REDLIST Sanbi
Plants of the World Online

Eksterne skakels

Wikimedia Commons het meer media in die kategorie Boskoorsboom.
Wikispecies het meer inligting verwant aan Boskoorsboom