Chad le Clos

in Wikipedia, die vrye ensiklopedie
Jump to navigation Jump to search
Chad le Clos
’n Beeld van die betrokke persoonlikheid.
Chad le Clos in 2013

Geboortenaam Chad Guy Bertrand le Clos
Gebore 12 April 1992 (1992-04-12) (27 jaar oud)
Durban, Suid-Afrika
Nasionaliteit Vlag van Suid-Afrika Suid-Afrika
Beroep Swemmer
Chad le Clos
Medaljes gewen
Swem – mans]
Deelnemer vir Vlag van Suid-Afrika Suid-Afrika
Olimpiese Spele
Goud 2012, Londen 200 m-vlinderslag
Silwer 2016, Rio de Janeiro 200 m-vryslag
Silwer 2016, Rio de Janeiro 100 m-vlinderslag
Statebondspele
Goud 2010, Delhi 200 m-vlinderslag
Goud 2010, Delhi 400 m-individuele medley

Chad Guy Bertrand le Clos OIS (* 12 April 1992 in Durban) is 'n Suid-Afrikaanse swemmer. Hy is tans die Statebondspele-kampioen en -rekordhouer in die 200 meter-vlinderslag.[1]

Biografie[wysig | wysig bron]

Le Clos swem al van jongs af en het op die ouderdom van 10 aan kompetisies begin deelneem. In 2010 matrikuleer hy aan die Westville Boys' High School in Durban. Hy ontvang die Daily News Spar Sports se "persoon van die jaar"-toekenning in sy matriekjaar, waartydens die top sportiewe skoliere vereer word.

Hy maak sy internasionale debuut by die Swemwêreldkampioenskap van 2009 in Rome. Hier behaal hy die 17de plek in die 200 meter-vlinderslag en 16de plek in die 400 meter-wisselslag.

In 2010 wen hy vyf medaljes tydens die Jeugsomerolimpiade in Singapoer, waaronder goud in die 200 meter-wisselslag.

Tydens die 2011 Swem Wêreldkampioenskap in Sjanghai eindig Le Clos in die vyfde plek in die 200 meter-vlinderslag, in die 100 meter-vlinderslag word hy tydens die halfeindronde uitgeskakel.

Le Clos wen 'n goue medalje in 200 meter-vlinderslag tydens die Olimpiese Somerspele van 2012 met 'n tyd van 1:52,96 sekondes.[2] Michael Phelps van die VSA moes met 'n tweede plek tevrede wees.[2] Daarna onttrek hy van die 200 meter-indiwiduele wisselslag om op die 100 meter-vlinderslag te konsentreer. Le Clos en Evgeny Korotyshkin van Rusland eindig beide tweede in die finaal (silwermedalje) met 'n tyd van 51,44 sekondes terwyl Phelps met die gouemedalje wegstap.[3]

Tydens die Olimpiese Somerspele 2016 in Rio de Janeiro wen Le Clos 'n silwermedalje in 200 meter-vrystyl, agter China se Sun Yang met 'n tyd van 1:45.20, en stel 'n nuwe rekord vir beide Afrika en Suid-Afrika op.[4] In 200 meter-vlinderslag, waar hy die verdedigende kampioen was, eindig hy op die vierde plek.[5] Le Clos wen 'n tweede silwermedalje in 100 meter-vlinderslag in 'n drie-baan-gelykop met die mededingers Michael Phelps en László Cseh, agter Joseph Schooling.[6]

2014 FINA Kortbadwêreldbyeenkoms[wysig | wysig bron]

Op 1 Desember 2014 is hy deur FINA aangewys as die "Swemmer van die jaar". Op 4 Desember 2014 stel hy 'n nuwe wêreldrekord op in die 100 meter-vlinderslag in 'n tyd van 48,44 sekondes tydens die kortbadwêreldbyeenkoms in Doha. Hy wen altesaam vier goue medaljes tydens die byeenkoms, onder andere die 50 m-, 100 m- en 200 m-vlinderslagtitels - die eerste persoon ooit.

Verwysings[wysig | wysig bron]

  1. (en) "Le Clos wins gold in Delhi". sport24.co.za. 4 Oktober 2010. Besoek op 4 Oktober 2010.
  2. 2,0 2,1 Le Clos steel Phelps se goud, Nuus24, 31 Julie 2012
  3. Le Clos wen silwer in 100 m-finaal, Nuus24, 3 Augustus 2012
  4. (en) "Chad le Clos bags a silver". Besoek op 9 Augustus 2016.
  5. (en) "Rio 2016 Olympic Games - Swimming - Men's 200m Butterfly". NBC News.
  6. (en) "Chad le Clos wins silver in 100m butterfly". Eyewitness News. 13 Augustus 2016. Besoek op 16 Augustus 2016.

Eksterne skakels[wysig | wysig bron]