De Wet Hugo

in Wikipedia, die vrye ensiklopedie
Jump to navigation Jump to search

De Wet Hugo (gebore 26 November 1982) is 'n Suid-Afrikaanse skrywer van jeuglektuur.[1][2]

Biografie[wysig | wysig bron]

De Wet Hugo is op 26 November 1982 op Worcester in die Boland gebore. Hy het drie ouer susters en hulle het op die plaas, Spes Bona, tussen Worcester en Villiersdorp grootgeword. Nadat hy sy laerskoolloopbaan op Worcester voltooi het, het hy in die Paarl gematrikuleer. Hierna het hy 'n onderwysgraad aan die Kaapse Skiereiland Universiteit vir Tegnologie op Wellington en 'n nagraadse kwalifikasie aan die Universiteit Stellenbosch verwerf.

In 2006 het hy sy onderwysloopbaan by Laerskool Ysterplaat in Kaapstad begin en van 2007 tot 2009 het hy by Laerskool De Hoop op Somerset-Wes skoolgehou. Gedurende hierdie tydperk het hy sy liefde vir skryf ontdek en het hy Marianna Brandt se kinderboekskryfkursus bygewoon. Kort hierna het hy 'n paar episodes vir die kinderprogram, Cool Catz op E-TV te skryf.

In 2010 het hy besluit om as onderwyser in die buiteland te gaan werk en gedurende dieselfde jaar het hy na Djedda in Saoedi-Arabië vertrek, waar hy tans nog steeds by 'n Britse Internasionale Skool werk.

Skryfwerk[wysig | wysig bron]

Boeke
Jaar Publikasie Reeks Uitgewer
2018 Die vloek van Vreesbaai Grilgrypers Human & Rousseau (NB)
2018 Web van die mummie Grilgrypers Human & Rousseau (NB)
2018 Kamp vir monsters Grilgrypers Human & Rousseau (NB
2019 Die meisie in die maanlig Grilgrypers Human & Rousseau (NB
2019 Die groen watergraf Grilgrypers Human & Rousseau (NB
2020 Die gevaarlikste speletjie op aarde Kies-jou-avontuur Human & Rousseau (NB
2020 Die geheim van die spookwerf Grilgrypers Human & Rousseau (NB
Bundels
Jaar Publikasie Samesteller/s Uitgewer
2015 Skrik op die lyf Gerda Taljaard en Deborah Steinmair Tafelberg (NB)
2015 Rympies vir pikkies en peuters Riana Scheepers, Suzette Kotzé-Myburgh en Gertie Smit Tafelberg (NB)
2016 Seesand en Koekies Marianna Brandt Shuter & Shooter
2017 Skool is 'n riller Marianna Brandt Human & Rousseau (NB)
2017 Liedjies vir pikkies en peuters Gertie Smit Tafelberg (NB)
2017 Rympies vir kleintjies en kleuters Riana Scheepers, Suzette Kotzé-Myburgh en Gertie Smit Tafelberg (NB)
2019 Bybelliedjies vir kleintjies en kleuters Gertie Smit Tafelberg (NB)

Verwysings[wysig | wysig bron]

  1. "De Wet Hugo vertel oor sy skryfwerk". Netwerk24. Geargiveer vanaf die oorspronklike op 3 Oktober 2018. Besoek op 14 April 2018.
  2. "Dié skrywer weet hoe om jong lesers te laat ril". Maroela Media. 25 Julie 2019. Geargiveer vanaf die oorspronklike op 22 Oktober 2019. Besoek op 27 Julie 2019.

Eksterne skakels[wysig | wysig bron]