Drava

in Wikipedia, die vrye ensiklopedie
Jump to navigation Jump to search
Drava
Die Drava naby Ormož, Slowenië.
Die Drava naby Ormož, Slowenië.
Drau river.PNG
Die stroomgebied van die Drava.
Oorsprong Net noord van die Neunerkofel in die Pustervallei by Toblach, Suid-Tirol, Italië
Alpe
Monding oos van Osijek, Kroasië
Donau
Stroomgebied Italië, Oostenryk, Slowenië, Kroasië, Hongarye
Lengte 710 km (440 myl)[1]
Oorspronghoogte 1 450 m (4 760 voet)
Mondinghoogte 90 m (295 voet)
Gemiddelde afloop 670 m³/s (24 000 vt/s³)
Stroomgebiedopp. 40 154 km² (15 504 myl²)[1]

Die Drava (Duits: Drau, [ˈdʁaʊ]; Hongaars: Dráva, [ˈdraːvɒ]; Kroaties: Drava, [drǎːʋa]; Sloweens: Drava, [ˈdɾàːʋa]; Latyn: Dravus) is 'n groot oos-vloeiende rivier in suidelike Sentraal-Europa. Die rivier, met 'n lengte van 710 km, vorm die vierde grootste sytak van die Donau na die Tisza, Sava en Proet (volgens sy gemiddelde afloop van 670 m³/s is die Drava die vierde waterrykste takrivier ná die Sava, Tisza en Inn).

Bron van die Drava by Toblach, Suid-Tirol, Italië
Die Drava in Maribor, Kroasië

Die Drava ontspring net noord van die Neunerkofel in die Pustervallei by Toblach, Suid-Tirol, Italië, in die Alpe, net wes van die grens tot Oostenryk. Net wes en in dieselfde vallei ontspring die Rienz, 'n sytak van die Adige. Aansluitend vloei die Drava in 'n oostelike rigting deur Suid-Oostenryk net noord van die grense tot Italië en Slowenië deur die deelstate Tirol en Karintië. Die grootste stad aan die Oostenrykse gedeelte van die Drava, hier Drau genoem, is Villach, net suid van die Karintiese hoofstad Klagenfurt. Aansluitend bereik die Drava Slowenië en vloei deur die stad Maribor, voordat die rivier Kroasië bereik. Hier vorm die Drava vir 'n lang stuk die grens met Hongarye, voordat hy oos van Osijek in die Donau uitmond, oorkant die grens met Serwië.

Geskiedenis[wysig | wysig bron]

In antieke tye is die Drava Dravus genoem, vergelyk Sanskrit: द्रवति, dravati, "vloei". Die naam is dalk van Keltiese of Illiriese oorsprong. Na die rivier is al deur antieke skrywers soos Plinius die ouere (Draus), Sextus Rufus (Dravus) en Strabo (Drabos) verwys.[2]

Verwysings[wysig | wysig bron]

  1. 1,0 1,1 (en) Joint Drava River Corridor Analysis Report, 27 November 2014
  2. (de) Egon Kühebacher (1995). Die Ortsnamen Südtirols und ihre Geschichte. 2: Die geschichtlich gewachsenen Namen der Täler, Flüsse, Bäche und Seen. Bozen: Verlagsanstalt Athesia. p. 51. ISBN 88-7014-827-0.

Eksterne skakels[wysig | wysig bron]