Frank Gehry

in Wikipedia, die vrye ensiklopedie
Jump to navigation Jump to search

Frank O. Gehry - Parc des Ateliers (cropped).jpg

Frank Gehry

Kanadees-Amerikaanse argitek


Gebore
28 Februarie 1929
in Toronto, Kanada


Skool
Postmodernistiese argitektuur


Beduidende projekte
Guggenheim-museum in Bilbao, Spanje


Lightmatter waltdisney concerthall.jpg
Walt Disney-konsertsaal, Los Angeles


Toekennings en pryse

Pritzker-prys (VSA) in 1989
National Medal of the Arts (VSA) in 1998
American Institute of Architects Gold Medal in 1999

Frank Owen Gehry, gebore as Frank Owen Goldberg (* 28 Februarie 1929 in Toronto, Kanada), is 'n Amerikaanse argitek wat internasionale bekendheid verwerf het met sy postmoderne, dikwels beeldhouagtige ontwerpe. Baie van sy werke, waaronder sy privaat woning (en eerstelingwerk) in die Suid-Kaliforniese kusdorp Santa Monica, het argitektoniese besienswaardighede van wêreldfaam geword soos die Guggenheim-museum in Bilbao, Spanje en die Walt Disney-konsertsaal in die middestad van Los Angeles.

Gehry se gesin het hulle in 1947 in Los Angeles gevestig waar hy argitektuur aan die Universiteit van Suid-Kalifornië gestudeer het. Vervolgens het hy 'n akademiese opleiding in stadsbeplanning aan die Harvard-universiteit gevolg. Nadat hy vir 'n verskeidenheid ateljees werksaam was, het Gehry in 1962 sy eie onderneming, Frank O. Gehry & Associates, gevestig. Dit is in 2002 opgevolg deur Gehry Partners.