Butterworth

Butterworth Gcuwa
Dorp
Butterworth  Butterworth se ligging in Oos-Kaap
Koördinate: 32°20′0″S 28°9′0″O
Land	Suid-Afrika
Provinsie	Oos-Kaap
Distrik	Amathole
Munisipaliteit	Mnquma
Stigting	1827
Oppervlak
• Totaal	26,34 km2 (10,17 vk. myl)
Bevolking  (2011)
• Totaal	44 039
• Digtheid	1 672/km2 (4 330/vk. myl)
Rasverdeling (2011)
• Wit mense	0.5%
• Indiërs/Asiërs	0.4%
• Bruin mense	0.7%
• Swart mense	98.2%
• Ander	0.2%
Taal (2011)
• Xhosa	92.7%
• Engels	3.0%
• Ander	4.3%
Poskode (strate)	4960
Poskode (posbusse)	4960
Skakelkode	047

Butterworth (amptelik Gcuwa) is 'n dorp, 111 km noord van Oos-Londen in die Oos-Kaap, in Suid-Afrika. Dit is geleë op die N2 nasionale pad.

Geskiedenis

Butterworth is die oudste dorp in Transkei. Die dorp se bestaan kan teruggevoer word na 'n sendingstasie wat hier begin is in 1827 deur eerwaarde WJ Shrewsbury by die kraal van opperhoof Hintsa. Hintsa was die hoof van die AmaGcaleka. Die stasie is vernoem na Joseph Butterworth, tesourier van die Wesleyaanse Sendinggenootskap. Die stasie is in die Sesde Grensoorlog (1834) vernietig. In die Sewende Grensoorlog (1846) was dit die toneel van hewige gevegte. 'n Magistraat is in 1877 hier gevestig en die dorp is in 1880 uitgelê. Munisipale status is in 1904 toegeken.

Distrik

In die distrik van 684 km² is die belangrikste landbou bedrywighede veeteelt en die verbouing van mielies. Die inheemse bevolking is hoofsaaklik Fingo's.

Sien ook

• Bawa-waterval
• Cascades-waterval
• Gcuwarivier
• Lys van dorpe in Suid-Afrika

Bronne

• B.P.J. Erasmus: Op Pad in Suid-Afrika. 1995. ISBN 1-86842-026-4