Groen-kurper

in Wikipedia, die vrye ensiklopedie
Jump to navigation Jump to search
Groenkurper
Bewaringstatus

Status iucn3.1 LC af.svg
Veilig (IUBN 3.1)

Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Acanthopterygii
Orde: Perciformes
Familie: Cichlidae
Subfamilie: Pseudocrenilabrinae
Genus: Sargochromis
(Regan, 1920)[1]
Spesie: S. codringtonii
Binomiale naam
Sargochromis codringtonii
(Boulenger, 1908)[2]

Die Groenkurper (Sargochromis codringtonii) is 'n varswatervis wat in die Okavangorivier, boonste gedeelte van die Zambezirivier, die Kafuerivier en die Karibadam voorkom. In Engels staan die vis bekend as die Green bream of Green happy.

Voorkoms[wysig | wysig bron]

Die groenkurper se snoet is skraal, die bek is relatief klein en die vis lyk nie veglustig nie. Daar is twee rye tande op elke kaak, dun gebuig en kegelvormig. Daar is ook soms tande voor die voorste ry, in die bokaak, wat dan 'n derde ry gee. Die keeltande is kragtig maar nie soos in die ligrooskurper nie.

Mannetjies wat broei is donker olyfgroen tot swart. Die onvolwasse visse en nie-broeiende volwasse visse is grys tot olyfgroen en die basis van die skubbe is roesrooi. Die vispopulasie van die Kafuerivier is gelerig aan die onderkant en die dorsale- en anale vinne het rooi rante en daar is donkerrooi kolletjies op die dorsale- en stertvinne terwyl daar ligte rooi kolletjies op die analevin is.

Die skubbe is grof en daar kom 28 tot 32 op die systreep voor.

Die vis word tot 29 cm lank. Die Zimbabwe-hengelrekord is 2,21 kg en die Caprivi-hengelrekord is 1,195 kg.

Habitat[wysig | wysig bron]

Die vis leef in diep, stil water in stadigvloeiende strome en vloedvlakte mere met waterplante.

Hulle vreet sade, klein slakke en waterinsekte. Hulle word gevang met klein kunsaas naby die bodem gesleep of erdwurms, uitgedopte slakke of mossels.

Die wyfie hou die kleintjies in die mond en die visse broei in die somer; hulle broei moontlik twee keer in die seisoen.

Die mannetjie bereik volwassenheid wanneer hulle 150 mm lank is en die wyfie 125–150 mm.

Die vis is redelik skaars, of word min gevang. Hy word ook maklik verwar met die ligrooskurper. Let dan op sy reguit profiel, skraal snoet en effense hol stert, as verskil teenoor die pienkkurper.

Sien ook[wysig | wysig bron]

Eksterne skakel[wysig | wysig bron]

Bron[wysig | wysig bron]

Verwysings[wysig | wysig bron]

  1. Regan, C. T. 1920. The classification of the fishes of the family Cichlidae.--I. The Tanganyika genera. Ann. Mag. Nat. Hist. (Ser. 9) v. 5 (núm. 25): 33-53.
  2. BioLib (en)