Ligroos-kurper

in Wikipedia, die vrye ensiklopedie
Jump to navigation Jump to search
Ligrooskurper
Bewaringstatus

Status iucn3.1 LC af.svg
Veilig (IUBN 3.1)

Wetenskaplike klassifikasie
Domein: Eukaryota
Koninkryk: Animalia
Filum: Chordata
Subfilum: Vertebrata
(Cuvier, 1812)
Infrafilum: Gnathostomata
Superklas: Osteichthyes
(Huxley, 1880)
Klas: Actinopterygii
Subklas: Neopterygii
Infraklas: Teleostei
Superorde: Acanthopterygii
Orde: Perciformes
Familie: Cichlidae
Subfamilie: Pseudocrenilabrinae
Genus: Sargochromis
(Regan, 1920)[1]
Spesie: S. giardi
Binomiale naam
Sargochromis giardi
(Pellegrin, 1903)[2]

Die Ligrooskurper (Sargochromis giardi) is 'n varswatervis wat in die Kunenerivier, Okavangorivier, boonste gedeelte van die Zambezirivier, die Kafuerivier en die Karibadam voorkom.

In Engels staan die vis bekend as die Pink bream. In die Caprivi staan die vis ook bekend as die Pienkkurper of in Engels as die Pink Happy.

Voorkoms[wysig | wysig bron]

Die ligrooskurper se kop is groot, grof en hy lyk veglustig, met 'n kleinerige skuins bek en 'n styl, effens ronde, profiel. Daar is twee rye kegelvormige tande op beide kake. Die kegeltande is gerond en baie sterk op 'n groot plaat.

Die onvolwasse visse is olyfgroen met 'n gelerige bors, diep groenswart vinne met 6-7 vertikale strepe oor die lyf.

Die volwasse visse is grysgroen op die kop en rugkant, met ligter sye en die onderkant is roomgeel tot dofwit.

Die lyfskubbe het 'n bruin kol op die basis, hulle is grof, en 29-34 kom op die systreep voor.

Die vinne is donker, houtskoolgrys tot olyfgroen met rooi rante en bedek met donkerrooi (soms grys tot oranje) kolletjies. Daar is oogvlekke op die membraan van die anale vin.

Die vis word tot 48 cm lank. Die Zimbabwe-hengelrekord is 1.98 kg en die Caprivi-hengelrekord 1.9 kg.

Habitat[wysig | wysig bron]

Die vis leef in diep hoofrivierstrome en vloedvlakte mere met sanderige bodems, veral met plantegroei in die omgewing. Hoe dieper die water hoe groter die vis. Hulle vreet hoofsaaklik slakke, tweekleppiges en inseklarwes.

Hulle word aangekeer met kunsaas soos klein lepeltjies en swaailemme. Hengelaars gebruik erdwurms, slakke en mossels, waarvan die doppe verwyder is; en beweeg die aas so nou en dan.

Die wyfie is 'n mondbroeier, hulle broei in die vroeë somer. Die neste is rond en 20–30 cm in omtrek en word in water wat 3 m diep is gebou.

Identifikasie[wysig | wysig bron]

Die Ligrooskurper word maklik met 'n groenkurper verwar. Let dan op sy profiel en ronde stert as verskil teenoor die groenkurper.

Sien ook[wysig | wysig bron]

Eksterne skakel[wysig | wysig bron]

Bronne[wysig | wysig bron]

Verwysings[wysig | wysig bron]

  1. Regan, C. T. 1920. The classification of the fishes of the family Cichlidae.--I. The Tanganyika genera. Ann. Mag. Nat. Hist. (Ser. 9) v. 5 (núm. 25): 33-53.
  2. BioLib (en)