Halfmens

Halfmens
Bewaringstatus
Byna bedreig  (IUCN 3.1)
Wetenskaplike klassifikasie
Domein:	Eukaryota
Koninkryk:	Plantae
Klade:	Tracheofiete
Klade:	Angiospermae
Klade:	Eudicots
Klade:	Asterids
Orde:	Gentianales
Familie:	Apocynaceae
Genus:	Pachypodium
Spesie:	P. namaquanum
Binomiale naam
Pachypodium namaquanum (Wyley ex Harv.) Welw., (1869)
verspreiding van P. namaquanum
Sinonieme
Adenium namaquanum Wyley ex Harv.

Die halfmens (Pachypodium namaquanum) is 'n boom wat inheems aan die Richtersveld en suidelik Namibië is. Hulle groei net in droë, rotsagtige halfwoestyngebiede. Die naam is afgelei van die feit dat die boom soos 'n mens lyk wanneer hulle afgeëts is teen die horison of teen die skemer gesien word. Die boom is 'n bedreigde spesie en word streng beskerm. Die boom se FSA-nommer is 649.

Voorkoms

Die boom bestaan uit 'n lang stam van tot 4 m met 'n bos blare aan die punt. Die boom is gewoonlik takloos maar kan soms kort takke produseer. Die stam is dik by die wortels en loop spits na die bopunt. Vratterige knoppe bedek die stam en aan elke knop se punt is 'n doring.

Blomme en vrugte

Die blomme is buisvormig en ongeveer 5 cm lank. Hulle is rooi binne en groen binne en word binne die blare voortgebring en later die vrugte ook. Die vrugte is klein en word in pare gedra.

Algemeen

'n Kenmerk van die boom is dat die stam altyd na die noorde wys. Die boom gedy glad nie goed weg van sy natuurlike habitat nie.

Legende

'n Groepie Namas sou glo, om van hul aartsvyande, die Boesmans, te ontvlug, die berge in beweeg het waar hulle in plante verander is om die droogtetoestande te kan weerstaan. Omdat hulle uit die noorde gevlug het, en die gevaar van daardie kant gedreig het, kyk alle halfmense nou nog noord (plaaslik word selfs na hulle as die "noordkykers" verwys).

Galery

• 
  Halfmens in die Richtersveld, Suid-Afrika.
• 
• 
• 

Sien ook

• Alfabetiese lys van Suid-Afrikaanse bome

Bronnelys

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• REDLIST Sanbi