Henkries

in Wikipedia, die vrye ensiklopedie
Spring na: navigasie, soek
Henkries
Ligging van Henkries op 'n kaart (Noord-Kaap)
Henkries
Henkries
Koördinate: 28°57′25.2″S 18°6′18″O / 28.957000°S 18.10500°O / -28.957000; 18.10500Koördinate: 28°57′25.2″S 18°6′18″O / 28.957000°S 18.10500°O / -28.957000; 18.10500
Land Vlag van Suid-Afrika Suid-Afrika
Provinsie Noord-Kaap
Distriksmunisipaliteit Namakwa
Plaaslike Munisipaliteit Nama Khoi
Tydsone SAST (UTC+2)

Henkries is 'n klein nedersetting aan die Oranjerivier, 13 km wes van Goodhouse, in die Noord-Kaap provinsie in Suid-Afrika.

Naam[wysig | wysig bron]

Die naam is afgelei van 'n Nama-woord wat berghang beteken.

Volgens oorvertelling kan die naam Henkries ook afgelei wees van die Engelse woord "hungry". Na bewering het 'n persoon hier aan honger gesterf. Heel toevallig is daar by die dadelplaas se opstalle, teen die berghang, 'n groot wit rotsformasie wat regtig soos 'n mens lyk wat kon sterf van honger en kop na onder afgegly het teen die berg. Die "lyk" se kop is baie na aan die voet van die hang.

Landbou[wysig | wysig bron]

Die Departement van Landbou verbou dadels hier in die geweldige somerhitte (47 tot 50 grade Celsius). Die plaas is in die afseisoen van 2009–2010 opgegradeer met nuwe verkoelings- en vriesgeriewe asook die opgradering van die pakstoor met verdampingsverkoelers om 'n beter gehalte dadel te verpak. Die storie doen die rondte dat die Engelse soldate in die oorlogsjare daar gekamp het en glo baie dadels geëet het en van die pitte daar ontlas het. Later jare het van die omgewing se mense die lieflikste dadels daar gevind en so is besluit om dadels aan te plant. Vandaar die dadels wat met die beste uit Israel vergelyk kan word.

Sien ook[wysig | wysig bron]