Lekkersing

in Wikipedia, die vrye ensiklopedie
Jump to navigation Jump to search
Lekkersing
Ligging van Lekkersing op 'n kaart (Noord-Kaap)
Lekkersing
Lekkersing
 Lekkersing se ligging in Noord-Kaap
Koördinate: 28°50′0″S 17°15′0″O / 28.83333°S 17.25000°O / -28.83333; 17.25000Koördinate: 28°50′0″S 17°15′0″O / 28.83333°S 17.25000°O / -28.83333; 17.25000
Land Vlag van Suid-Afrika Suid-Afrika
Provinsie Noord-Kaap
Distrik Namakwa
Munisipaliteit Richtersveld
Oppervlak[1]
 - Gehug 0,63 km²  (0,2 vk m)
Bevolking (2011)[1]
 - Gehug 363
 - Digtheid 576/km² (1 491,8/myl2)
Rasverdeling (2011)[1]
 • Indiër/Asiër 0.6%
 • Kleurling 97.5%
 • Swart 1.7%
 • Ander 0.3%
Taal (2011)[1]
 • Afrikaans 98.9%
 • Ander 1.1%
Poskode (strate) 8283

Lekkersing is 'n klein dorpie omring deur swart heuwels in die afgeleë Richtersveld in Namakwaland. Dit is via die R382-pad 'n 60 km oos van Port Nolloth. Met grondpaaie is dit noordwaarts 88 km na Kuboes en noordooswaarts 50 km na Eksteenfontein.

Die plekkie is in 1926 gestig deur Ryk Jasper Cloete. Daar bestaan onsekerheid oor hoe dit aan sy naam gekom het. In die Namatradisie, wat hier nog sterk gehandhaaf word, bestaan daar verhale oor die naamgewing.

Daar word hoofsaaklik met bokke geboer. Mynhope wat te sien is, is die gevolg van die kwartsietmyn wat in 1964 begin is. Rooi- en goudkleurige plaveiklippe word wêreldwyd verskeep. 'n Gemeenskapsontwikkelingsprojek skep vanaf 1999 werk en verskaf groente, vrugte en kruie aan die inwoners. Toerisme begin al meer 'n bydrae tot die ekonomie lewer.

Reënval is slegs 50mm per jaar en die ondergrondse water is boonop effens brak.

In Lekkersing is 'n satellietkantoor van die Richtersveld Plaaslike Munisipaliteit. Die dorp se skool staan bekend as die Elizabeth Wimmer NGK Primêre Skool. Daar is geen vulstasie, restaurant, winkels of outobank in die dorpie nie.

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Lekkersing". Sensus 2011.