Howick

in Wikipedia, die vrye ensiklopedie
Howick
Howick se spoorwegstasie in 1900
Howick se spoorwegstasie in 1900
Howick is in KwaZulu-Natal
Howick
Howick
 Howick se ligging in KwaZulu-Natal
Koördinate: 29°28′0″S 30°14′0″O / 29.46667°S 30.23333°O / -29.46667; 30.23333Koördinate: 29°28′0″S 30°14′0″O / 29.46667°S 30.23333°O / -29.46667; 30.23333
LandVlag van Suid-Afrika Suid-Afrika
ProvinsieKwaZulu-Natal
DistrikUMgungundlovu
MunisipaliteituMngeni
Stigting1850[1]
Oppervlak
 • Totaal29,32 km2 (11,32 vk. myl)
Bevolking
 (2011)[2]
 • Totaal21 639
 • Digtheid738/km2 (1 910/vk. myl)
Rasverdeling (2011)
 • Wit mense35,1%
 • Indiërs/Asiërs13,5%
 • Bruin mense4,1%
 • Swart mense47,0%
 • Ander0,3%
Taal (2011)
 • Engels 51,4%
 • Zoeloe 40,3%
 • Afrikaans 3,8%
 • Suid-Sotho 1,1%
 • Ander 3,4%
Poskode (strate)
3290
Poskode (posbusse)
3290
Skakelkode033

Howick is 'n dorp in die ooste van Suid-Afrika, in die provinsie van KwaZulu-Natal. Die dorp is 23 km noordwes van Pietermaritzburg langs die Umgenirivier geleë digby die Howickwaterval. Die N3 nasionale pad gaan by die dorp verby.

Geskiedenis[wysig | wysig bron]

Die Howickwaterval

Die ossewa roete vanaf Durban na die Drakensberg en Transvaal het die maklikste roete gevolg. Die eerste groot uitdaging was die Umgenirivier by Howick. Die roete het oor die Allemansdrif gegaan onderkant die waterval gedurende die Voortrekkertyd, (1840–1842). Die roete het verder van die Umgenirivier na die Karkloofvallei gegaan. Teen 1850 was die roete so besig dat 'n nuwe deurgangsplek gevind moes word en 'n nuwe drif is bokant die waterval gemaak. Die Zoeloes het dit kwaNogqaza genoem (die plek van die grote). 'n Behoefte het ontstaan vir 'n dorp met fasiliteite en die regering het toe 'n deel gekoop van een van die drie plase van die Wesleyaanse sendeling James Archbell. Die eerste erwe is op 23 November 1850 verkoop en die dorp is na burggraaf Howick, later graaf Grey genoem.

'n Houtbrug is in 1872 gebou om die drif te vervang. Die brug was altyd gevaarlik en het gereeld tydens oorstromings lewens geëis. Die brug het later self oor die waterval gespoel en die regering het 'n nuwe brug in 1903 gebou.

Distrik[wysig | wysig bron]

Houtplantasies en vee- en suiwelboerdery is die belangrikste ekonomiese aktiwiteite. Daar is nog vier ander watervalle in die distrik. Daar is twee in 'n sytak van die Umgenirivier. Hulle is Cascades (25 m) en Shelter (37 m). Die derde is die Karkloof (105 m) in die Karkloofrivier en die laaste is die Woodhouse (10 m) net bokant Karkloof. Daar is ook 'n vakansieoord en natuurreservaat by Midmardam naby die dorp.

Sien ook[wysig | wysig bron]

Bronne[wysig | wysig bron]

Verwysings[wysig | wysig bron]

  1. "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 17 Mei 2020.
  2. 2,0 2,1 2,2 2,3 "Hoofplek Howick". Sensus 2011.

Eksterne skakels[wysig | wysig bron]