Juscelino Kubitschek

in Wikipedia, die vrye ensiklopedie
Jump to navigation Jump to search
Juscelino Kubitschek
Juscelino Kubitschek
Amptelike portret van Juscelino Kubitschek in 1956

21ste President van Brasilië
Ampstermyn
31 Januarie 1956 – 31 Januarie 1961
Vise João Goulart
Voorafgegaan deur Nereu Ramos
Opgevolg deur Jánio Quadros

Senator vir Goiás
Ampstermyn
4 Oktober 1961 – 8 Junie 1964

22ste goewerneur van Minas Gerais
Ampstermyn
31 Januarie 1951 – 31 Maart 1955
Voorafgegaan deur Milton Campos
Opgevolg deur Clóvis Salgado

Federale afgevaardigde vir Minas Gerais
Ampstermyn
1 Februarie 1946 – 30 Januarie 1951
Ampstermyn
3 Mei 1935 – 10 November 1937

23ste burgemeester van Belo Horizonte
Ampstermyn
23 Oktober 1940 – 30 Oktober 1945
Voorafgegaan deur José de Araújo
Opgevolg deur João Gusmán

Persoonlike besonderhede
Gebore (1902-09-12)12 September 1902
Diamantina, Minas Gerais, Brasilië
Sterf 22 Augustus 1976 (op 73)
Resende, Rio de Janeiro, Brasilië
Politieke party Sosiaal-Demokratiese Party
Eggenoot/eggenote Sarah Lemos (1931–1976)
Kind(ers) 2
Alma mater Federale Universiteit van Minas Gerais
Handtekening Juscelino Kubitschek Signature.svg

Juscelino Kubitschek de Oliveira (Portugese uitspraak: [ʒuseˈlinu kubiˈtʃɛk dʒi oliˈvejɾɐ]; * 12 September 1902, † 22 Augustus 1976), in Brasilië dikwels kort JK genoem,[1] was 'n leidende Brasiliaanse politikus wat tussen 1956 en 1961 die amp van 21ste president beklee het. Sy ampstermyn het saamgeval met 'n fase van ekonomiese welvaart en politieke stabiliteit. Kubitschek, wat 'n akademiese opleiding as geneeskundige gevolg het, het daarnaas bekendheid verwerf vir die grootste bouprojek ooit - die stigting van 'n nuwe futuristiese hoofstad diep in die Brasiliaanse binneland, Brasília.

Die ongekende ekonomiese opswaai en industrialisering, wat met Amerikaanse en Europese kapitaal gefinansieer is, het egter met 'n relatief hoë inflasiesyfer en groeiende staatskuld gepaard gegaan, terwyl die kloof tussen arm en ryk nie verklein kon word nie. So het Kubitschek nie daarin geslaag om vir 'n tweede ampstermyn herverkies te word nie. In 1976 het hy in padongeluk gesterf.

As staatshoof het Kubitschek strategiese en ekonomiese langtermynbeplanning as die grootste uitdaging beskou en ambisieuse doelwitte vir Brasilië se toekoms bepaal. Deur baie van sy landgenote word hy as die "vader van moderne Brasilië" beskou. Hy geniet steeds groot verering en word onthou as een van die mees suksesvolle en vooruitsiende leiers wat die land ooit gehad het.

Verwysings[wysig | wysig bron]