Kakaoboon

in Wikipedia, die vrye ensiklopedie
Spring na: navigasie, soek
Kakaobone in hul peul.
Kakaobone met en sonder saadmantel.

Die kakaoboon is die smaakbepalende stof vir sjokolade. Die boon is die vrug van die kakaoboom. Hernán Cortés het die eerste kakaobone vanuit Meksiko na Spanje geneem. Die resep vir sjokolademelk/kakaodrank is daar vir meer as 100 jaar geheim gehou. Die kakaobone word eers gerooster, tot 'n dik massa gemaal en dan met water aangelengd. Vir smaak kan heuning en suiker toegevoeg word.

In 1825 het die Nederlander Coenraad Johannes van Houten die basis vir die bereiding van kakaopoeier, kakaobotter en sjokolade ontdek. Hy het ontdek hoe die kakaobotter uit die bone gepers kon word. Van Houten het ook die alkalisering van die bone ontdek: dis 'n metode om die aanwesige sure in die kakao te neutraliseer. Dit het die smaak goed aangedoen.

Herkoms en verwerking[wysig]

Kakaobone word in vele lande rond die ewenaar verbou, onder andere in Ghana, Ivoorkus en Indonesië. Daar is vele verskillende soorte bone, elk met 'n eie smaak. Na die oes ondergaan die bone 'n natuurlike gistingsproses, fermentering. Hierdeur ontwikkel die bone belangrike smaak- en kleurkomponente. Na die fermentering word die bone gedroog en kan die boon verder verwerk word. Die bone word vervolgens gerooster (gebrand). Hierdeur word die smaak nog verder ontwikkel. Na die roostering word die bone gemaal; hierby ontstaan daar 'n vloeibare donkerbruin stof, die kakaomassa. Hierdie kakaomassa kan uitgepers word waarby kakaobotter (die vloeibare deel) en kakaopoeier (die vaste bestanddeel) ontstaan. Kakaomassa is dus die grondstof vir kakaopoeier, -botter en sjokolade.

Kakaopoeier[wysig]

Die kakaomassa word onder hoë druk uitgepers, waardeur kakaopoeier en -botter ontstaan. Smaak en kleur word deur die soort gebruikte kakaobone en die temperatuur waarop hierdie gerooster is, bepaal. Ook die suurgraad van die kakaomassa het hierop 'n invloed. Hierdie suurgraad kan tydens die bereidingsproses aangepas word.

Commons-logo.svg
Wikimedia Commons het meer media verwant aan:
Kakao (kategorie)