Kaokolandse Swartkwasmuishond

in Wikipedia, die vrye ensiklopedie
Spring na: navigasie, soek
Kaokolandse Swartkwasmuishond
Bewaringstatus
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Carnivora
Familie: Herpestidae
Genus: Galerella
Spesie: G. flavescens
Binomiale naam
Galerella flavescens
(Bocage, 1889)
Verspreiding
Verspreiding

Die Kaokolandse Swartkwasmuishond (Galerella flavescens) is 'n muishond wat onder andere in die noorde en sentraal gedeeltes van Namibië voorkom. Die muishond is verwant aan die Swartkwasmuishond en was voorheen bekend as die subspesie Galerella sanguinea nigrata.

Kleur en bou[wysig]

Die muishond is slankgebou met 'n lang stert wat eindig in 'n swart punt. Wanneer hy beweeg word die stert in die lug opgekrul soos die van 'n leeu. Die soogdier is gespikkeld, donker rooibruin van kleur. Die mannetjie is effe groter as die wyfie. Die mannetjie kan tot 640 gram weeg en die wyfie tot 530 gram.

Habitat[wysig]

Die muishond is 'n tipiese bosveldspesie maar kom ook voor in redelike operige dele waar daar genoeg skuiling is.

Ander feite[wysig]

Hulle is daglewend en kom eers na sonop uit en is alleenlopers. Die muishond kan ook bome klim en as hy skrik versteen hy in sy spore. Hulle vreet hoofsaaklik termiete, kewers, sprinkane, miere, akkedisse, vrugte en muise. Die muishonde se natuurlike vyande is die rooijakkals, luiperd, leeu en siwet. Een tot twee kleintjies word vanaf Oktober tot Maart gebore en die verwagte lewensduur is ±8 jaar.

Sien ook[wysig]

Bron[wysig]

Verwysings[wysig]

  1. Hoffmann, M. & Rathbun, G. (2008). Herpestes flavescens. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 Maart 2009.