Kiepersol

in Wikipedia, die vrye ensiklopedie
Spring na: navigasie, soek
Kiepersol
S.A. nasionale nommer: 564 [1]
Cussonia spicata
Wetenskaplike klassifikasie
Koninkryk: Plantae
(klade): Angiosperms
(klade): Eudicots
(klade): Asterids
Orde: Apiales
Familie: Araliaceae
Subfamilie: Aralioideae
Genus: Cussonia
Spesie: C. spicata
Binomiale naam
Cussonia spicata
Thunb.
Blare

Die Kiepersol (Cussonia spicata) is 'n immergroen boomspesie in die Cussonia-genus, wat in die vogtiger streke van Afrika aangetref word.

Beskrywing[wysig | wysig bron]

Die boom is stewig en het 'n ronde, spreidende kroon. Die aantreklike blare groei aan die einde van dik takke en vorm geronde koppe. Die spesienaam spicata verwys na die raseme waaraan die blomme gedra word.[2] Die blare van die Cussonia spicata is dubbelhandvormig saamgestel, en groener van kleur as byvoorbeeld die blare van die Hoëveldkiepersol (Cussonia paniculata) wat grys is en enkelhandvormig saamgestel is.

Verspreiding[wysig | wysig bron]

Dit word vanaf Kaapstad kuslangs aangetref tot noord van die Vaalrivier. Dit is ook inheems aan die ooste van Zimbabwe, Mosambiek, Zambië en dele van tropiese Afrika. Waar olifante voorkom is dit 'n gewilde voedingsplant.[3] In die bosse by Kurisa Moya Nature Lodge naby Houtbosdorp in Limpopo groei 'n groot eksemplaar wat sedert 2013 amptelike beskerming geniet.[4]

Sien ook[wysig | wysig bron]

Verwysings[wysig | wysig bron]

  1. "iScanTree: Cussonia spicata – Kiepersol / Common cabbage tree". Verkry op 7 Mei 2017. 
  2. Hankey, Andrew (Desember 2004). "Cussonia spicata Thunb.". plantzafrica.com. SANBI. Verkry op 7 Desember 2015. 
  3. Minute 6 tot 7; episode van 5 April 2009, The Naked Scientists, BBC
  4. Geleë te 23°48′08″S 29°56′26″O / 23.80222°S 29.94056°O / -23.80222; 29.94056 (Sterkloop Kiepersol). Joemat-Pettersson, Tina (13 September 2013). "Declaration of particular groups of trees as "Champion Trees"" (PDF). cer.org.za. Universiteit van Pretoria. Verkry op 7 Desember 2015. 

Bron[wysig | wysig bron]