Klein gekolde kat

in Wikipedia, die vrye ensiklopedie

Klein gekolde kat[1]
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Spesie:
F. nigripes
Binomiale naam
Felis nigripes
Burchell, 1824
subspesies
  • Felis nigripes nigripes (Burchell, 1824)
  • Felis nigripes thomasi (Shortridge, 1931)

Die klein gekolde kat, ook bekend as swartpootwildekat of miershooptier (Felis nigripes) is 'n klein wildekat wat voorkom in Suid-Afrika, Namibië, Botswana en gedeeltelik in Zimbabwe.[3]

Bou en kleur[wysig | wysig bron]

Foto van 'n klein gekolde kat in Wuppertal se dieretuin.

Die soogdier is die kleinste van al die katsoorte in die streek. Die kleur wissel van 'n gelerige kaneelbruin in die suide tot ligte geelbruin in die noorde van die gebied waarin hulle voorkom, met verspreide strepe en kolle. Agter op die nek en rug is vier swart strepe waarvan die buitenste twee afdraai oor die skouers. Dié strepies is dikwels verdeel in korter strepies of kolle. Die stert is kort en om die keel is drie ringe. Dié kat is kleiner as die vaalboskat en die strepe en kolle is duideliker. Die mannetjies (1,5-1,7 kg) is effens swaarder as die wyfies (1-1,4 kg).

Habitat[wysig | wysig bron]

Die katte verkies droë gebiede met ooptes en 'n bietjie lang gras of struike. Hulle eet hoofsaaklik muise en spinnekoppe asook reptiele, insekte en voëls. Hulle voed op 40 verskillende soorte gewerweldes en vang tot 14 klein diere per nag. Hulle kan voëls vang tydens vlug, deur tot 1.4m hoog te kan spring.

Gewoontes[wysig | wysig bron]

Die katte is nagdiere wat eers ná donker uitkom. Hul lewensduur is onbekend. Hulle is meestal alleenlopers en beweeg veral op die grond, maar kan goed boomklim. Hulle vlug in die bome in as hulle gejaag word. Bedags slaap hulle in erdvark- of springhaasgate, miershope of onder struike. Die katte is aggressief vir hul grootte en kom nog buite bewaringsgebiede voor. Een tot drie kleintjies word tussen November en Desember gebore ná 'n dratyd van ±2 maande. Hul natuurlike vyande is die leeu en luiperd.[4]

Taksonomie en filogenie[wysig | wysig bron]

Die binomiale naam Felis nigripes is in 1824 deur die Britse ontdekkingsreisiger William John Burchell gebruik toe hy die spesies beskryf het, gebaseer op velle van klein, gevlekte katte wat hy in Litákun (nou bekend as Dithakong) in Suid-Afrika teëgekom het.[5]

Sien ook[wysig | wysig bron]

Verwysings[wysig | wysig bron]

  1. Wozencraft, W. Christopher (16 November 2005). "Order Carnivora (pp. 532-628)". In Wilson, Don E.; Reeder, DeeAnn M. (reds.). Mammal Species of the World: A Taxonomic and Geographic Reference] (3de uitg.). Baltimore: Johns Hopkins University Press, 2 vols. (2142 pp.). p. 536. ISBN 978-0-8018-8221-0. OCLC 62265494.
  2. Sliwa, A. (2008). Felis nigripes. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 22 Maart 2009. Database entry includes justification for why this species is vulnerable
  3. Engelse wikipedia
  4. Die Soogdiergids van Suider-Afrika. Burger Cillié. ISBN 978 1 875093 46 5. 2009
  5. Burchell, W. J. (1824). "Felis nigripes". Travels in the Interior of Southern Africa. Vol. II. London: Longman, Hurst, Rees, Orme, Brown, and Green. p. 592.