Komsomoletseiland

in Wikipedia, die vrye ensiklopedie
Jump to navigation Jump to search
Komsomoletseiland
Inheemse naam: остров Комсомолец
Nasa-Satellietbeeld van Komsomoletseiland
Nasa-Satellietbeeld van Komsomoletseiland
Geografie
Komsomolets Island.svg
Ligging Noord-Rusland, Arktiese Oseaan
Koördinate 80°29′N 94°24′O / 80.483°N 94.400°O / 80.483; 94.400Koördinate: 80°29′N 94°24′O / 80.483°N 94.400°O / 80.483; 94.400
Argipel Sewernaja Zemlja

Oppervlakte 9 006 vk km

Administrasie
Vlag van Rusland Rusland
Federale distrik Siberiese
Krai Flag of Krasnoyarsk Krai.svg Krasnojarsk

Demografie
Bevolking 0

Die wêreld se 82ste grootste eiland en die sewende grootste eiland van Rusland

Komsomoletseiland (Russies: остров Комсомолец), die wêreld se 82ste grootste eiland en die sewende grootste eiland van Rusland na Sachalin, Sewerni-eiland, Joezjni-eiland, Kotelni-eiland, Oktoberrewolusie-eiland en Bolsjewik-eiland, beslaan 'n oppervlakte van 9 006 km². Die eiland is in die noorde van Rusland in die Arktiese Oseaan geleë en behoort administratief aan die Krasnojarsk-krai van die Siberiese Federale Distrik. Komsomoletseiland grens in die weste aan die Karasee en in die ooste aan die Laptefsee. Komsomoletseiland is die derde grootste eiland van Sewernaja Zemlja, na Oktoberrewolusie-eiland en Bolsjewik-eiland, en lê in die noorde van dié eilandgroep, met beide Oktoberrewolusie-eiland en Komsomoletseiland teen suide. Verder suid is die Siberiese vasteland geleë. Komsomoletseiland is onbewoon en amper twee derdes is met ys bedek; die res word deur toendra oorheers.

Krenkel-baai by Komsomoletseiland

Die eiland is in 1913 deur Boris Wilkizki ontdek en Swjataja Maria (Russies: Святая Мария; letterlik: "Sint Maria"), na 'n heilige van die Russies-Ortodokse Kerk, genoem. In 1926 is dit egter, op besluit van die Kommunistiese Party van die Sowjetunie (KPSU), na Komsomol, die jeugliga van die KPSU, genoem. In 2007 het 'n poging om weer na die ou naam terug te keer by die plaaslike parlement van die Krasnojarsk-krai misluk.[1]

Verwysings[wysig | wysig bron]

  1. "Депутаты ЗС Красноярского края против переименования островов архипелага Северная Земля" (in Russies). Regnum. 24 Mei 2007. Geargiveer vanaf die oorspronklike op 19 Desember 2014. Besoek op 2 Mei 2020.

Eksterne skakels[wysig | wysig bron]