Kransduif

in Wikipedia, die vrye ensiklopedie
Jump to navigation Jump to search
Kransduif
Op Tafelberg, Kaapstad, Suid-Afrika
Bewaringstatus
Wetenskaplike klassifikasie
Domein: Eukaryota
Koninkryk: Animalia
Filum: Chordata
Klas: Aves
Orde: Columbiformes
Familie: Columbidae
Genus: Columba
Spesie: C. guinea
Binomiale naam
Columba guinea
Linnaeus, 1758

Die Kransduif (Columba guinea) is 'n duif wat in groot dele van Afrika suid van die Sahara voorkom. Die kransduif het in groot getalle van sy oorspronklike habitat van steil kranse en berge na die dorpe en stede beweeg waar hy saam met die wildeposduif woon. Daar word vermoed dat die twee genera soms kruisteel.[1] Daar heers onsekerheid oor die redes vir hul habitatuitbreiding na die stede, maar die hoë toringgeboue verskaf genoeg hoekies en lysies vir nesmaak en kom ruweg met die rotswande van hul natuurlike omgewing ooreen.

Voorkoms[wysig | wysig bron]

Op 'n dak in Arusha, Tanzanië

Hierdie is 'n groot duif, 41 cm in lengte. Die rooibruin rug, witgespikkelde vlerke en blougrys romp is kenmerkend. Die kop is grys, en naby kan 'n rooierige, kaal vel rondom die gesien word. Die nek is bruin, met wit strepe, en die bene is rooi. Die roep is 'n doo-doo-doo. Die geslagte lyk eenders, maar onvolwassenes is bruiner as volwassenes.

Nes[wysig | wysig bron]

'n Kransduif met kuiken

Hierdie spesie bou 'n groot stokkiesnes in 'n boom en lê twee wit eiers. Die vlug is vinnig, met gereelde slae, en by geleentheid 'n skerp flik van die vlerke wat kenmerkend is van duiwe in die algemeen.

Voeding[wysig | wysig bron]

Die kransduif se kos is groente en hulle versamel in groot getalle waar graan of grondbone beskikbaar is.

Sien ook[wysig | wysig bron]

Verwysings[wysig | wysig bron]

  1. Die Suid-Afrikaanse voëlgids (4de uitgawe), John Sinclair, John Mendelsohn, 1987. P.14

Bronne[wysig | wysig bron]